‘Chhaava’-in ‘Jawan’ lehpel
Vicky Kaushal channa historical drama ‘Chhaava’ chuan cinema hall ticket hralhna atanga sum lak luh tama Shah Rukh Khan channa ‘Jawan’ lehpelin, Hindi tawng hmang film zinga India-a sum la lut tam pathumna a ni ta.
Chhaava hian India-ah cinema hall ticket hralhna atangin cheng vaibelchhe 583.3 la lut tling tawhin, cheng vaibelchhe 582.31 la lut thei ‘Jawan’ a lehpel ta chiah a, India-a hindi film zinga sum la lut tam pathumna a ni ta.
International market nena lakah chuan Jawan a la sang zawk fê a, Jawan hian khawvel huapin cheng vaibelchhe 1160 a la lut thei a. Hindi tawng chauh ni lo, tawng hrang hranga a film an siam atanga sum lak luhah pawh Jawan hian cheng vaibelchhe 640 la lut tawhin, Chhaava hian cheng vaibelchhe 599.15 a la lut tawh thung. Chhaava hi Hindi bakah Telegu an siam tel a, a Telegu film hian cheng vaibelchhe 16 vel a la lut tel ve bawk a ni. A Telegu film sum lak luh nena belhkhawmin Chhaava hian vaibelchhe 599.15 la lut tawhin, India-a film sum la lut tam pasarihna a ni pha a, Jawan hi parukna a ni ve thung.
Hindi film bikah chuan India-a sum lak luh tamah Chhaava hian Pushpa: The Rule – Part 2 leh Stree 2 te chiah a pha lo.
‘Chhaava’-in ‘Jawan’ lehpel
Get real time updates directly on you device, subscribe now.
Prev Post