Tunhnaia ruahsur nasa avanga khuarel chhiatna thlengah an chenna atanga inthiar chhuak chhungkaw 7 – Baktawng Chan Ina chengte chu District Disaster Management Authority Serchhip chuan tanpuina sumfai a hlan.
DDMA aiawh hian bialtu zonal officer Lalhruailiana Zote leh a team ten Thawhtanni chawhnu khan Baktawng Chan Inah kalin thil thlen dan an enfiah a. Kumin May 28-a ruahsur avang khan leimin nasa tak a thleng a. Chenna in pahnih a hnawl tlu a ni. Chumi kal zelah chuan, kawng chhak lamah leikhi zau tak tak a insiam a. Chhiatna thlen hlimchhawnah Verification Team intirin DC office aiawh official-ten vanduaina tawkte an lo tlawhchhuak tawh a. Chenna in chhia bakah leimin leh lei tawlh avanga kawng hnawh leh chhiatna dang thleng pawh kalchilhin silpaulin leh tanpuina tul dang pek an lo ni tawh a ni.
Tuna kawng chhak lam lei khi zau tak avang hian Baktawng Chan Inah hian chhungkaw 7 chu leimin a awm leh thut theih avangin an chenna in atangin an inthiar chhuak a. Heng harsatna tawk chhungkua hnenah hian State Disaster Response Fund sawi angin chhawmdawlna hi a sumfaia hlan an ni a, sawrkarin hma a tum zel dan pawh hrilhfiah an ni.
Chhiat tawkte chhawmdawlna hlan
Get real time updates directly on you device, subscribe now.
Prev Post
Next Post