Chhiatna tuarte puihna hlan

Mite dawmkan kawnga thawk thin tlawmngai pawl CodNerc hmalaknain Cyclone Remal vanga chhiatna tuar Hlimen, Melthum leh Tlangnuam Vengthar huamchhunga chhungkaw 200 tanpuina buhfai, tel, dal, chini, aieng, masala leh hmarcha dip chu Zirtawpni khan semchhuah a ni a. An thil sem senso hi Amazon leh DonateKart te rawn tum a ni.
Buhfai quintal 24, dal quintal 2, tel pack litre 200, chini quintal 2, hmarcha dip pack 200, masala pack 200 leh aieng pack 200 a an sem a ni.
Tanpuina dawngte hi Hlimen atangin chhungkaw 107, Melthumah chhungkaw 37 leh Tlangnuam Vengthar atangin chhungkaw 56 an ni a. Cod Nerc team member 8 thawkchhuakin, khawtlang hruaitute leh a dawngtu turten YMA Hall-ah an lo dawngsawng a ni.