Chibil hote Mizo nihna in min phuarkhawm zel se – DC&MA minister

Mizorama chibil leh hnam peng hrang hrang awm chu Mizo kan nihnain min phuarkhawm zel se a duh tih District Council & Minority Affairs minister C Lalsawivunga chuan a sawi.
Inrinnnia Pang Zirlai Pawl (PZP) Joint Hqrs Aizawl buatsaih zirlai tharte lawmluh leh zirlai tithate lawmpuina a hmanpuinaah minister chuan, “In la hrang tham leh inenhrang tham kan awm loa, hetia inpumkhat leh lungrual taka kan chenho hian hnama chhiar tham leh zahawm kan nih phah a ni,” a ti. Hnam anga kan dinchhuah theihnan inunauna leh inpumkhatna dah pawimawh a tul, tiin, mahni awmna hmun theuhah ram leh hnam chhan nana theihtawp chhuah a tul tih a sawi a ni.
Hnathawh hreh nei lo tur leh thawk loa awlsam taka sum lakluh tum lo tura zirlaite fuihin, mahni zawn theuhah taima leh rim taka thawk tur leh a thlawna dawn leh sem ringawt beisei lo turin a chah.
He hunah hian Pang zirlai tharte lawmluh an nih bakah zirlai titha 23 lawmpuina thilpek hlan an ni.