Senior Congress leader P. Chidambaram chuan BJP kaihhruai NDA sorkar chu nataka sawiselin saffron party te chu political party pawh an ni tawh lo Prime Minister Narendra Modi biaa kalsual an ni tawh tiin a sawi.
Modi sorkar nataka beiin Chidambaram chuan kum sawm Modi an rorelna a kalpui chhungin freedom of speech and expression te chu eichhiatin a awm tawh a ti bawk a. Mipui te chu democracy tungding leh turin a ngen bawk a.
Congress manifesto ah sawisel hlawh Citizenship Amendment Act (CAA) chu tarlan ni lo mahse INDIA bloc tena thuneihna an chan chuan nuaibo a ni ang a ti bawk.
Chidambaram chaun INDIA bloc chuan Tamil Nadu a seat 39 an la vek ang a, Pondicherry a seat khat pawh an hui ang tiin a sawi bawk a.
“BJP te chuan ni 14 chhungin manifesto an peih fela manifesto pawh an ti lo, Modi’s gurantee an ti. BJP hi political party a ni tawh lo va, Narendra Modi pathian biaka bia kalsual an ni tawh” tiin Chidambaram chuan a sawi bawk.
“Modi ki guarantee” tih chuan he ram mitin te chu cult worship awmzia min hrilh nawn a ni a ti bawk a.
“Cult worship hian India ah kua a hreuh zui zel chuan dictatorship a thlen ang” tia sawi bawkin Modi kum sawm sorkar chhungin freedom of expression nasa taka rahbehin a awm a ni a ti bawk a.
“Modi hian a term thumna a chelh a nih chuan constitution a siam danglam mai thei. Chuvangin, democracy kan dinchantir a ngai a ni” a ti bawk a.
India ram in harsatna a tawh len ber chu unemployment a ni ti bawkin Chidambaram chuan Congress manifesto chuan hna siam dan tur leh wealth generation kalpui dan tur a tarlang a, CPI(M) te chu an ngawi thung tiin P. Chidambaram chuan a sawi bawk.
Chidambaram an BJP te ‘cult‘ ah chhuah
Get real time updates directly on you device, subscribe now.
Prev Post
Next Post