Chin hriat loh thi in chhar

Muallungthu rama awm, khawtlangin a chin an hriat loh atangin a ni sarihnaah a ruang hmuh a ni.
Thudawn danin, Lallawmsanga (41) chu kumin July 9 khan Tuirivangah ram riak turin a kal a. Ram riak thin leh Muallungthu khaw chhunga awm tam lo a nih avangin khawtlang pawhin a chin hriat a ni ta lo, tih hi an hre lawk lo a ni. Hun engemawchen a chin hriat a nih tak loh avangin July 28 khan an zawng tan a. A riahna thlamah a iptepui ah pawh a dah ngai ngaiin a lo awm a, amah hi an hmuh mai loh avangin khawtlang inpunin an zawng tan a ni. August 3 kha an zawn atanga ni sarihna chiah niin, Tuirivang lui bula thlam pakhat bulah Ningani chawhnu lam a ruang hmuh a ni a, rim a nei tawh nia sawi a ni.
Muallungthu khawtlang hruaitute chuan Lallawmsanga hi an khuaah kum 5 vel awm tawhin, rama riah nuam ti chi a ni a. Tuirivang leh Rangtla ram velah a khawsa ber a, khawchhungah a tal tam vak lo tih an sawi.