China economy tlahniam hret hret
China central bank chuan thla thum chhunga a tum hnih nan interest rate a tihniam leh a, hei hi khawvela economy lian ber pahnihnain pandemic leng avanga economy-in harsatna nasa tak a tawh ata a la insiamrem theih loh vang a ni.
People’s Bank of China (PBOC) te chuan one-year loan prime rate chu 3.5% atangin 3.45% ah a tihniam a.
China hian post-Covid recovery lamah harsatna nsa tak tawkin property crisis, ram pawna thawnchhuah tlahniam leh consumers pending hniam ten a tuam mek a ni. Tuna hmalakna thar a kalpui nachhan pawh hi thil man sang chak lutuk tihhniamna tur a ni.
PBOC te hian one year rate, China-a in tin leh sumdawng tin tena loan lak behchhana an hman ber chu June thla khan interest rate a lo tihniam tawh bawk a.
Jun Bei Liu, Tribeca Investment Partners chuan China sorkar hmalakna chuan nghawng a nei nasa dawn chuang lo tia sawiin mahse China sorkarin economy siam that a tumzia pholanna a ni thung tiin a sawi a.
“Confidence a awm theih nan stimulus package lian zawk kan mamawh a, chu chuan consumption leh growth a tipung thei a ni. Chutiang a nih loh chuan economy chu deflation-ah tlahniamin thar thawh leh a harsa ang” tiin a sawi.
Economists te chuan bank chuan five-year loan prime rate, China mortgage te siamtu ber chu khawih danglam lovin 4.2% ah dah a ni thung.
Kar kalta khan short leh medium-term rate pawh tihhniam a lo ni tawh bawk a. “Sorkar sum sen nena inmil turin leh property market tihchangtlun nan rate tihhniam a la awm zel hmel” tiin Catherine Yeung, Investment Director, Fidelity International chuan a sawi a.
Pandemic len hnuah China economy chuan harsatna nasa tak tawkin tun thlengin a nghawngin a la delh nasa hle a. Kar kalta khan China-in harsatna nasa tak a tawh chu real estate giant Evergrande tena US a bankruptcy protection an dilin a pholang tiin an sawi bawk.
Hetih lai hian China chuan kum hnih hnuah a tum khat nan deflation a tawng mek tia sawi a ni bawk a. July thla khan China import leh export chu nasa taka tlahniamin Beijing chuan youth unemployment figures tihchhuah a titawp hial bawk.