China in missile test hlawhtling

China chuan an ram thenawm leh khawvel ngaihthlak nuam lo thuthar neiin, khawmualpui dang pawh kah theihna missile hlawhtling tak a enchhin thu a sawi.
China hian nimin khan thuchhuah siamin, an ram sanaa zing lam dar 8:44 velah Pacific Ocean atanga ballistic missile hlawhtling taka a enchhin thu a sawi a, he missile hian a target hlah miah lovin khawmualpui danga mi pawh a kah fuh chat theih thu a sawi zui bawk.
Hetia an hlawhtlinna thu phur taka an sawi lai hian an ram thenawm Japan chuan he missile an test tur chungchangah hian eng inralrinna thu mah an dawn loh thu an sawi a, China thiltih dan chu rawlrala chetna dik tak a nih bakah, ram thenawmte tul lova rumthaihna a ni, tiin an dem hle thung.