China-in Taiwan hnaiah sipai nunchan zir

China chuan Taiwan leh a chehhvelah naval drills a nei zui zel a, hei hi kar kalta lawka Taiwan president Tsai Ing-wen in US a tlawh a duh lohzia a lantirna anga ngaih a ni.
He sipai nunchan zir hi Beijing chuan Taipei ‘a zilhna’ tiin a sawi a, China naval leh air force te chuan Taiwan thliarkar chu an hual vel a ni.
Taiwan pawhin Chinese jet rual te chuan Pathianni khan an kal hual zel tia sawiin indo lawng lian pakua pawh hmuh a nih thu a sawi a.
He operation hi Beijing chuan ‘Joint Sword’ tia sawiin Thawhtanni thlenga kalpui tur tiin a sawi.
Taiwanese officials te chu Chinese chetlakna avang hiana n thinrim hle a, Taipei chuan Beijing chua Tsai in US tlawha US House speaker Kevin McCarthy a hmu chu ‘military exercise a neih theih nana chhuanlamah hmangin hei hian helai bial vela remna leh muanna, ngelnghehna awm thei tur a tichhia a ni’ tiin a sawi.
Inrinni khan China lawng lian pakhat chuan Pingtan island bulah a laipui a hmetpuak hial niin sawi a ni a, helai hi Taiwan nena inhnaih tak a ni tawh tiin Reuters news agency chuan a sawi.
Taiwan Ocean Affairs Council, Coast Guard te enkawltu chuan an lawngin Chinese warship a zui dan a tarlang a, mahse, a hmun chiah sawilanna a nei lo thung.
Taiwan lawngte chuan Chinese lawng te chu radio hmangin, “Helai region remna, nghelnghehna leh security te dinhmun derthawngah insiam a ni. Khawngaihin a rang thei ang berin chhuahsan rawh u. In che lui zel a nih chuan nawr chhuak tur che uin hma kan la ang,” tiin an sawi ve thung.
Video thlalak dangah Taiwanese warship Di Hua chuan Coast Guard te zuiin chutah chuan Coast Guard officer chuan Chinese vessels te chu insaseng turin a ti bawk.
Chinese sipai nunchan zir hi tuipui lama tihtawp a nih hnuah an fighter jet te chuan Pathianni zing lam khan Taiwan chu an hual leh zui tiin Taipei chuan a sawi bawk a. Darkar 24 chhungin Taiwan defence ministry chuan Chinese indo thlawhna 71 in Taiwan Strait an thlawh kan hman tiin a sawi a. Taiwan Strait hi official ni chuang lova Chinese leh Taiwanese territory indaidanna anga ngaih a ni a.
Hetih lai hian US state department officials te chuan Tsai leh Kevin McCarthy te inhmuhna nei chu a lova luakchhuaka la na lo tura China ngenin status quo zawm turin a phut thu a tarlang bawk a.
State department thupuangtu chuan US chuan Beijing chetlak dan chu uluk takin a thlithlai mek tia sawiin ‘helai bial velah hian remna leh muanna a awm theih nan kan ram vehimna hisapin theihna leh mamawh te phang lova dah kan tum ang’ tiin a sawi.
US chuan kum 1979 daih tawh khan Beijing thlang zawkin Taipei nena officiala indawrna an neih a lo titawp tawh a, mahse, Taiwan nen chuan inthian tha chungchuang niin US chan Taiwan-in beih a tawh thuta chhan thei turin dan a nei thlap zui,
US President Joe Biden chuan tum tam tak China-in Taiwan a bei a nih chuan US a inrawlh ang tiin a lo sawi tawh a, mahse, US chetlak dan tur chu hriatthiam har a ni thung.
Kar kalta Nilaini khan Taiwan President Tsai chuan Speaker McCarthy nena inhmuhna an neih hnuah US-in tiamchin nei lova a thlawp avanga lawmthu sawiin ‘Taiwan mipuite chu thlauhthlak emaw hnuchhawn kan ni lo’ tiin a sawi a.
McCarthy hian Taiwan tlawh tum a ni a, mahse, China nena boruak sosang mekah California a Tsai nena inhmuh chu remchang zawkah a ngai a ni.
Chinese state media te chuan sipai nunchan zir Thawhtanni thlenga neih tura hisap chu ‘Taiwan thliarkar leh a chhehvela patrol dan awmze ni zawka kalpuina, Taiwan hual velna leh harsatna awm thei te enfiahna’ tiin a sawi a.
Sipai nunchan zirnaah hian ‘long-range rocket artillery, naval destroyer, missile boat, air force fighter, bomber, jammer leh refueller’ te chetlak tir an ni tiin a sawi bawk.
Taiwan dinhmun hi kum 1949 atang khan chiang lo a la ni reng a, khatihlai khan Chinese civil war laia Chinese Communist Party te chak zawk avangin sorkar hotu lawk te chu Taiwan thliarkarah hian tlanchhiain awmhmun an bengbel zui ta a ni.
Taiwan chuan mahni inrelbawl ram angin a inngai a, constitution hran leh hruaitu hran a nei a, mahse, China chuan a ram bung inla hrang mek engtik hunah emaw chuan Beijing thuhnuaia la awm turah ngaiin atul a nih chuan sipai chakna hman pawh a hreh dawn lo a ti thung.
China President Xi Jinping chuan Taiwan nena inzawmlehna chu ‘tihmakmawh’ tiin a sawi bawk.