China leh India hi inthenawm tha kan ni – President Xi

China leh India hi inthenawm tha kan ni – President Xi
Chinese President Xi Jinping-a chuan China leh India chu ‘inthenawm, thian leh kawppui tha’ a nih thu President Droupadi Murmu-i hnena Asian chhimchhak ramin Republic Day a thlen lawmpuina a thawnah a hrilh tih Xinhua news agency-in a tar lang.
Xi-a chuan kum liam taah China-India inkungkaihna chuan hma sawnin hma lam a pan zel a, ‘khawvel muanna leh than zelna atan tha tam tak an thawh’ tih a sawi tih Xinhua hian a tar lang.
Xi-a hian China chuan ‘thenawm, thian leh kawppui tha tak’ nih chu China leh India tan duhthlan tur dik a nih thu a tar lang bawk.
China leh India chu ‘dragon leh sai lâm dun’ angin a tehkhin bawk.
Xi-a chuan ram pahnihte hian an inpawhna leh an thawhhona chu huang a zauh zel dawn a, an buaina sawi dunin an inkar tithaa tinghet zel turin a duh tih a sawi bawk.
Asia-a nuclear ralthuam nei ram pahnihte hi ramri km 3,800 intawm niin a inrin tha lo hle a, kum 1950 chho atang khan ramriah hian an intibuai tawh.
Kum 2020-a an intihbuai tuma Indian sipai 20 leh Chinese sipai pali an thih hnuah khan inep na zualin Himalaya-a an ramriah sipai tam tak an chhawp ve ve.
Nikum atang khan inbe tha tanin an mi pawimawh tak takte pawh an intlawh tawn a. Thlawhna hmanga inthhawhpawh tan lehin US President Donald Trump-a’n a hrekna karah an inhnaih thar leh a ni.