China rama Japanese school-a zirlai thihnaah Japan in thudik hriat phut

China chhim lama Janapese school-a zirlai naupang, kum 10 mi boral avangin Japan a thim rim hle a, China sorkar chu thudik tak hriattir a, thil tisualtu hrem thuai turin a hrilh.
He mipa naupang boral hi Japan lam chuan nimin khan a tawrh zawh loh hliam neih vanga boral niin an sawi a, Shenzen Japanese School a kal lai a nih thu tarlang bawkin, an en liam mai mai dawn loh thu an sawi.
Japanese Foreign Minister Yoko Kamikawa chuan he thihdan rinhlelh leh tawrhna nasa tak avanga boral hi a lainat thu sawiin, Tokyo chuan Beijing hnenah insawifiahna leh thudik puanna hmanhmawhthlak nei turin a ngen a ni, a ti.
A sawi zelnaah chuan, Shenzhen Japanese School naupang hi Japanese naupang dik tak, Japan khua leh tui nihna pawh la nei thlap a ni, a ti a. Pawikhawihna rapthlak tuar tur atan chuan a la nau mah mah a ni. Chuvangin thudik hi Beijing in rawn hailang thuai rawh se, a ti bawk.