Chinese App avanga Gujarat-a inbumna chhui ngiat

Congress te chuan BJP kaihhruai Centre sorkar chu Chinese national te inhnamhnawihna scam-ah beiin white paper tihchhuah ngei an phut a. Betting app hmangin Gujarat-ah mi 12,00 chuang bumin Rs 1,400 crore vel lai hu a ni, an ti.
Congress thupuangtu Pawan Khera chuan sorkarin Enforcement Directorate, CBI leh Serious Fraud Investigation Office (SFIO) te chu Chinese scammer Indians te rawktute chhui nan ni lovin opposition leader te beih nan a hmang zawk an ti bawk a.
Woo Uyanbe chuan football betting app hmangin Gujarat-ah mi 1,200 chuang bumin ni kua lek chhungin Rs 1,400 crore vel chhuhsakin India an chhuahsan zui a ti a. Prime Minister Narendra Modi emaw Home Minister Amit Shah te emaw chuan dang tur an ni, a ti bawk a.
Khera chuan Uttar Pradesh BJP rorelna hmuna police-te chuan ‘Dani Data App’ an hamng tia sawiin hei vang hian mi pangngai te rin hlawhin a hnuah chu app chu scam a ni tih hriatchhuah a ni tiin a sawi bawk a.
Social media-a thlalak thehdarh chuta Uttar Pradesh Police te ‘Dani Data App’- sponsored ‘Love Donation’ banner nena thlalak te phochhuahna neih a ni bawk a.
Khera chuan Chinese techie kum 2020-22 a India rama cheng chuan fake football betting app a siam a, chumi hmang chuan Gujarat mi pangngai te a tam ber chu Banaskantha leh Patan a awm te bumin chumi hnuah India ram a chhuahsan zui a ni tiin a sawi bawk a.
“Prime Minister Modi leh Home Minister Amit Shah te hian ED, CBI, SFIO etc te chu Oppostion leader te beih nan an hmang a, mahse Chinese scamsters te Indians te rawka ram tlanchhuahsantute chhui nan chuan an hmang lo,” tiin Khera chuan a sawi bawk a.
“Sorkar hian thudik pholan a nih theih nan white paper siam ngei se la, he scamster te nena inzawmna nei tinte phochhuak rawh se,” tiin Khera chuan a sawi bawk.
Congress leader chuan a hma pawhin Vijay Mallya, Lalit Modi, Nirav Modi, Mehul Choksi te tlanbo tawhin tunah Chinese national-in a bum leh a ni tia sawiin Modi sorkar hi ‘public money’ venghimtu ni tawh lovin ‘bum hmang, misual te ram danga tlanchhia te’ tana ‘travel agency’ a ni ta zawk a ti bawk a. Kher achuan Gujarat police te chuan December 2022 thleng khan complaints 1,088 dawngin buma awm te tana helpline 1930 siam hamngin complaints 3,600 an dawng bawk tiin a sawi a.
Mahatma Gandhi ram Gujarat chu betting scam leh ponzi scheme te hmunpuiah chhuah a ni tawh a. Tichung chuan double-engine sorkar hian Gujaratis te haratna leh tawrhnate chu a ngaihsak der lo, tiin Khera chuan a sawi bawk a. Congress leader chuan Chinese apps te khap ringawt a tawk lo va, an laka na taka hremna lekkawh kan phut a ni tiin a sawi bawk.
“Eng vangin nge EOW [Economic Offences Wing], SFIO, ED, CBI, DRI [Department of Revenue Intelligence] leh immigration agencies te hian heng CHiense national te hi India an chhuahsan hma in an dan loh? Eng vangin nge Dani Data App hmanga mi za tel buma an awm laiin Modi sorkar hi a mutthluk?” tiin a sawi bawk a.
“Hetiang scam dang tur hian eng vangin nge ED, CBI, SFIO, DRI etc te hman an nih loha political opponents te beih nana hman zawk nge an nih? Hengte hi PM Modi leh HM Amit Shah te agenda awm chhun em ni?” tiin Khera chuan zawhna a siam bawk a ni.