Choksi-a bail dilna Belgian court-in hnawl

Choksi-a bail dilna Belgian court-in hnawl
Punjab National Bank (PNB)-a pawisa puk Rs vaibelchhe 13,500 chingpena a mawhphurtu bera puh, Mehul Choksi-a chu Belgian court-in bail a dilna a hnawlsak.
Judge pathum thutna bench chuan Dutch-a thu an remnaah bail a dilna hi hnialna hrang hrang thilin an hnawlsak a ni.
Choksi-a hi kar hmasa khan Indian thuneitute ngenna angin Belgium-ah man a ni.
Ministry of External Affairs thupuangtu, Randhir Jaiswal-a chuan Choksi-a India-a hruai lut tur hian India chu Belgian thuneitute nen an indawr reng tih thuthar lakhawmtute hnenah a sawi.
“India-a thawn luh kan ngen angin Belgium-ah man a ni a. Belgian thuneitute nen hian inbe rengin kan rama a chungthu rel a nih theih kan kan indawr zel a ni,” a ti.
Thawhlehni khan Choksi-a Indian dan hre mi, Vijay Aggarwal-a chu bail dilna ngaihtuah hmain Antwerp-ah hmuh a ni a, lung inah a tlawh bawk.
Man a nih hnuah khan Aggarwal-a chuan bail dil an tum nghal tih a lo sawi tawh a, “A hriselna a tha lo va, cancer enkawl lai a ni,” tih chu a tan chhan ber a ni.
Delhi-a thuthar lakhawmtute a kawmnaah Choksi-a India-a lak luh chungchangah hnialna lian tak pahnih a neih thu a sawi a. A thubuai politics-a hman a nih dan vang leh India-ah a hrisel lohna enkawlna tur a awm loh vang a nih thu a sawi.
India-a Choksi-a lak luh chu a mihring dikna chanvo palzutsakna a ni thei tih sawi bawkin, “A bikin damdawia enkawlna tha tawk a awm lo va, politics thila sawihnawm a tawk nasa dawn lutuk bawk,” a ti.
Aggarwal-a chuan Choksi-a hian Indian investigative agency-te a thawhpui tha a, a hriselnain a zir loh avangin a thil hriatte pawh video conferencing hmanga hrilh a hreh lo niin a sawi bawk.
A dan hre mite hian a hma pawhin India-a lak luh tumna hi a lo hlawhtling lo tawh tih an sawi a. Dominica atanga lak chhuah tumna hlawhchhamin Antigua-ah enkawl a ni a, Belgium-ah hian a cancer enkawl a ni leh mek tih a sawi.