City-ah Semenyo

EPL club lian Manchester City chuan forward thar an nei thuai dawn a, club liante ngaihven rawn Antoine Semenyo chu an dawr fel tawh.
AFC Bournemouth tana khel tha thei tak Semenyo hi EPL club lian Manchester City bakah Chelsea, Liverpool, Manchester United leh Tottenham ten an ngaihven hlawm a. City chiahin mumal takin an dawr thung. Mumal leh tihtak hmai pua dawr awmchhun City hian an dawr fel a, Inrinni vel hi chuan an inlak luh fel hman rin a ni.
Ghana forward Semenyo hi Bournemouth atanga a lakchhuah theihna zat chu £65m a ni a, a lakchhuah theihna zat hi January ni 10 atangin a hman tan theih dawn. A lakchhuah theihna zata City in an ngam miau vangin dan hleih theih a ni lova, Cherries hian an chhuahtir dawn ta a nio. Semenyo hian a club thar tur City lamah medical test hmachhawn thuai tur a ni naa nilai zanah Tottenham a hmachhawn dawn vangin medical test a neih hun tur tih khawtlai a ni.
Thil a kalsual hle a nih loh chuan EPL a forward mit la tak Antoine Semenyo hi Manchester City player thar a ni thuai dawn.