City hmachhawn tur FC Copenhagen
City hmachhawn tur FC Copenhagen
Thawhtan tlai khan UEFA Champions League last 16 a intum tur pawh fel a ni a. Champion lai Manchester City chuan FC Copenhagen an tum dawn a, quarter-final luh theihna hun tha tak an nei dawn.
City hmachhawn tur FC Copenhagen hi Manchester United awmna Group A-a pahnihna an ni a, United chunga awm thei ni bawk mah se Manchester City meuh hneh thei tura ngaih an ni lo. Khingpui hautak zawk an pumpelh vangin City tan quarter-final luh theihna kawngka zau takin a inhawng. Champion lai City leh vawi 14 zet champion tawh Real Madrid te champion tura rinkai an ni leh ngei dawn a. Real Madrid hian RB Leipzig an hmachhawn ang.
Premier League club lian Arsenal pawhin team lian zawk pumpelhin FC Porto an hmachhawn dawn. Kum 2016-2017 hnuah Gunners hian UCL last 16 an khel dawn a, vawi hnih champion tawh Porto lakah chak tura rinkai zawk niin, quarter-final luh theihna hun tha tak an neia ngaih a ni.
UCL last 16 a intum tur zingah team lian inhmachhawn a, ngaihven hlawh hluai an awm hran lo. Inter Milan leh Atletico Madrid te an inhnehtawk ber tura ngaih a ni a. PSG leh Borussia Dortmund pawh an inkhel tawk thawkhat viau tura ngaih a ni.
Champions League last 16 hi 13-14 leh 20-21 February ah first leg khelh a ni ang a. March ni 5-6 leh 12-13-ah second leg khelh a ni ang.
UCL last 16 draw
Porto v Arsenal
Napoli v Barcelona
PSG v Real Sociedad
Inter Milan v Atletico Madrid
PSV Eindhoven v Borussia Dortmund
Lazio v Bayern Munich
Copenhagen v Manchester City
RB Leipzig v Real Madrid