City hremna an puang

Referee laka an player-te khawsak dan avanga Football Asso-ciation lamin Manches-ter City thubuai an awrhtir thu kha tarlan a ni tawh a, tunah hremna tarchhuah ni tawhin, FA chuan Etihad club hi pound 120,000 chawi turin a hrem.
December ni 3 Premier League inkhela Tottenham Hotspur nen 3-3-a an inhnehtawk tum khan hun tawp hnaih tawh lamah Erling Braut Haaland tihtluk ni mah se referee Simon Hooper chuan ham loin khelh chhunzawm tura hriattirna play-on sign a phar zet a, Jack Grea-lish-a’n goal thun tuma ball a buaipui laiin refe-ree chuan foul a ham leh hnuhnawh si a, City player-te an lung-awi lo ngang mai a, Haaland leh Mateo Kovacic phei chuan Hooper laka an lawm-lohna an lantir na zual.
Manchester City player-te’n referee an hual mup mup a, an khawsak dan avang khan Football Asso-ciation chuan City lakah thubuai a siam a, in-sawifiahna hun a pek hnuah hremna tar-chhuakin, US dollar 151,740 an chawitir.
FA thuchhuah chuan minute 94-a an player-te khawsak dan kha Manchester City FC chuan a dik tawk lo tih an pawm tih an tarlang a, independent Regu-latory Commission-in thubuai an ngaihtuah hnuah hremna an bithliah fel tih an sawi.
December ni 3 match-ah khan minute 81-ah Grealish chuan City chakna goal ni tawh ngei tura ngaih khung mah se minute 90-ah Dejan Kulusevski chuan Spurs siphurh sutna goal a khung ve leh nawlh a, English champion tan a zawna league draw vawithum an neihna a ni.