Clermont 0-0 Paris St-Germain

French champion Paris St-Germain chuan Inrinni khan top flight team talbuai tak Cler-mont mualah goal thun zo loin point khat an hlawhchhuak hram a, French Ligue 1 game hmasa pasarih atanga point 12 chauh rutin, club neitu Qatar Sports Investment hnuaia sea-son bul an tan chhiat ber hun an tawngbua.
Luis Enrique team point hmuh hi a la beitham hle a, 2010-11 campaign hnu lamah league heti zat khelha an la hniam ber tum a ni.
Inrinni inkhelah Mar-seille laka 4-0 hnehna an chan tuma hliam avanga baichhuak Kylian Mba-ppe a inlan leh thei ta a, mahse, Clermont mualah beisei angin a khel thei lo a, hun tawp lama a tlukder avangin yellow card hmanga zilh a hlawh nghe nghe!
Clermont goalkeeper Mory Diaw kha a la naupan zual laia PSG tana lo khel ve tawh niin, tuntum khan a club hlui chak zawh lohna kawngah a chetha a, chawlhlawk hmain Mbappe, Randal Kolo Muani leh Ousmane Dembele-te goal tur a dansak.
Clermont keeper chetna langsarber chu second half-a Goncalo Ramos goal tur a dansak kha niin, Danilo Pereira tauhluh tur pawh pui takin a dang bawk.
French League 1 ta-ble-a pathumna luahtu PSG hian Nilaini Uefa Champions League game pakhatah Newcastle United an tum ang.