Clouded Leopard Day hmang

Mizoram University-a Zoological department buatsaihin Thawhtanni khan International Clouded Leopard Day hman a ni a. Society for the Preservation of Endangered Carnivores and their International Ecological Study (SPECIES) leh Riahrun Tours bultum a ni.
Kelrâl Ni – International Clouded Leopard Day hi August 4 a ni a; kuminah Pathianni ah a tlak avangin a tukah hman niin, kumin thupui chu “Protect the Elusive” tih a ni.
Hmanpuitu larsap Dr Hari Babu Kambhampati chuan Kelrâl chu ramsa vang, Mizoramin hetiang kan la neih hi kan vannei hle, tiin, “Kan ramsa vang tak leh mang mai thei dinhmuna ding leh an chenna ramngaw humhalh leh ven hi Mizoram mipui mawhphurhna a ni a. Kan ramngaw leh ramsa duhawm tak takte hi kan tu leh fa te tan humhalh tlat ang u,,” a ti. He ni hman atang hian kan rilruah kan rama ramsa leh nungcha hrang hrang, humhalh loa mang mai thei dinhmuna ding mek, an hlut zia leh humhalh an tul zia min hriattir thar se, an chenna ramngaw pawh tichereu loa, duat taka enkawl a, humhalh turin kan nih zawk zia min hriat nawn tir leh se, tiin a sawi a ni.
“Conservation of Clouded Leopard in Mizoram” tih thupui hmanga online-a slogan inziahsiak buatsaih chu larsap hian lawmman a sem nghal a. Clouded Leopard Day hmannaah hian MZU vice chancellor, School of Life Sciences dean, EF&CC PCCF leh Department of Zoology HoD ten thu an sawi bawk.