CM-in Arakan Army \hian \hat tum

Mizoram chief minister Lalduhoma’n Myanmar-a ralthuam lek pawl pakhat Arakan Army te \hian \hat a tum a, kan ngam dawn chuang lo a, in\hian \hat a ngai, a ti.
USA-a a zinnaah, Zofate hmaa thu a sawina pakhatah chief minister Lalduhoma hian hemi chungchang hi a sawi a, Myanmar-a an buaina chin fel a duh thu sawiin, “Chutah chuan mawhphurhna thui tak ka kovah hian a innghat a ni,” a ti.
“Arakan Army te thleng pawh hian, eng nge ni, a… inbiakna neih pawh ka duh a ni keimah hian,” a ti a, “A chhan chu Arakan Army te nen kan inhmuhthiam loh chuan, keini aiin an chak zawk,” tiin a sawi zawm a ni.
“Myanmar buaina hi Mizoramah kan hnuk lut dawn a ni. Kan ngam tak tak dawn chuang lo, an chak lutuk, sipai an ngah lutuk,” tiin hemi chungchang hi a sawi zawm a, “Chuvang chuan indo ni lovin kan in\hian\ha zawk tur a ni,” a ti.
Arakan Army te hi Rakhine state-a mi, Myanmar a\anga zalenna sualtute an ni a, Mizoram chief minister chuan Myanmar-a Zo hnahthlak ralthuam lek pawl dangte hming hrang hrang sawiin, an inang niin a sawi a, “Kan do a inang a ni,” tiin Arakan Army te leh Zo hnahthlak pawl dangte chu an do a inang niin a sawi.
“Arakan Army te pawh \hianah kan siam a dik ang. Chuti a nih loh chuan Lawngtlai thlengin min rawn tibuai ang. Khatiang kha kan tan a pawi ve thei a ni,” a ti.