CM lawmpuina hlan

Chief minister Lalduhoma chu Zirtawpni khan a pisa-ah mi hrang hrangin hmu in lawmpui an hlan.
Manipur-a Zohnahthlak pawl hruaitu thenkhat leh mimal leh pawl thahnem takin hmuin lawmpuina an hlan a. Mizoram University vice chancellor Prof Dibakar Chandra Deka chuan hmuin lawmpuina a hlan a, Mizoram University-in hma a sawn zel theihna tur thil pawimawh an sawidun nghal.
Project Pushpak (BRO) chief engineer SP Kolipey pawhin chief minister hi lawmpuina a hlan a. Mizorama Border Road Organisation-in hna a thawh tlangpui leh hmachhawp an neih a hrilhfiah. Chief minister hian Project Pushpak hotute chu an kawng siamah khawchhung kawngte ngaipawimawh thin turin a lo chah a. An hnathawh mek chu a remchan danin a hmuna enpui a duh thu a lo hrilh.