BJP-in ward 11 chuh dawn

Aizawl Municipal Corporation inthlan turah BJP chuan ward 11 a chuh dawn a, Thawhlehni khan State president Dr K Beichhua chuan an candidate turte a puang.
Aizawl khawpuiin hmasawnna rahbi thar a rah theihna turin sum leh policy tha kan mamawh a. Policy/ manifesto tha neih ringawt hian hmasawnna min thlen loa, kan policy leh manifesto hlawhtlin theihnan sum kan mamawh tih BJP Mizoram president hian a sawi.
“Chu sum kan hmuh theihnan chuan kan state sum hmuh leh tax lakkhawm atang ringawt chuan thil tak tak a tih theih thin loa, BJP chuan state atanga sum kan hmuh piah lamah central-ah Union minister of Housing and Urban Affairs Manohar Lal Khattar kan nei a, a ni hian AMC-ah BJP candidate-te kan thlantlin chuan, ‘central blessing’ min pek tur thu min hrilh,” a ti.
Hei vang hian Aizawl khawpui hmasawnna chabi kawltu an ni thei tih hria a, Aizawl mipuiin BJP official candidate-te vote theuh turin an sawm tih a sawi a ni.
AMC-a BJP candidate leh an dinna tur ward:
R Lalhmingmawia (Bawngkawn) – Ward No.I
Lalduhawmi (Bawngkawn) – Ward No.II
Lalengtluangi (Ramhlun South) – Ward No.IV
Lallianzela (Zemabawk West) – Ward No.VII
Lalduhawma (Chite) – Ward No.VIII
T Zoramthanga (Tuithiang) – Ward No.IX
Gracy Vanlalawmpuii Pachuau (Tanhril) – Ward No.XI
C Lalrinawma (Tuivamit) – Ward No.XIII
B Lalrintluanga (Bungkawn Vengthar) – Ward No.XV
K Sanghluna (Salem Veng) – Ward No. XVIII
Liandawla (Tlangnuam Vengthar) – Ward No.XIX