CM leh DoNER minister-in thlirlet
Sawrkar laipui Ministry of DoNER kaltlanga Mizoram sawrkarin hmasawnna hna a thawhte thlirlet pahin, state action plan kalpui tawh dan sawihoin Nilaini khan chief minister Lalduhoma leh DoNER minister Jyotiraditya M Scindia te chu inbiak hmuh theihna hmangin an inkawm.
Thutkhawm hnuhnung bera an sawi tawh, Mizoram sawrkarin a bawhzui ngai la awm an sawi hmasa a, hmachhawp la awmte sawizuiin, Planning secretary Lalmalsawma Pachuau chuan Mizoram Vision 2047 statement a sawifiah bawk.
Ministry of DoNER kaltlang hian Mizoramah NESIDS (Road), NESID OTRI, PMDeVINE leh NEC hnuaia hnathawh engemawzat kalpui mek a ni.
Chief minister hi chief secretary Khilli Ram Meena, Planning commissioner Vanlaldina Fanai leh secretary Lalmalsawma Pachuau bakah Planning official dangten an tawiawm.
CM leh DoNER minister-in thlirlet
Get real time updates directly on you device, subscribe now.
Next Post