Mualkhang Bottling Plant din thar lehna atana chief minister leh Supply minister hmalakna lawmawm an tiin an chhuang hle tih ZPM Thalai chuan an sawi.
ZPM Thalai Hqrs. thuchhuak chuan, Mualkhang Bottling Plant din thar lehna atan 2024 July 24 khan Indian Oil Corporation Ltd. (IOCL) deputy general manager Z. Lumding chuan FCS&CA minister hnenah sanction order a hlan tih a sawi a. Kum 2006 atanga bul tan tawh, Oil Industry Safety Directorate guideline tehna atanga a tlin tawk loh avanga January 2020 atanga tihtawp chu tharthawh leh a nih theih nan chief minister Pu Lalduhoma’n biak ngaite a biak bakah Supply minister Pu B. Lalchhanzova, Revenue minister ni bawkin ram mamawh atan land lease renew leh ram mamawh belh atan land lease extension rang taka a tih avangte, hna tan thuai a nih theih nan compensatory afforestation tur ram rang taka a hmuhsak avang leh, hnathawhna tur sum rang taka sanction a nih avangte a ni tih a sawi.
‘Chief minister leh Supply minister ten theihtawpa hma an lakna zarah hetiang rohlu, Mizoramin kan nei thei dawn ta hi lawmawm kan ti a. CM leh Supply minster hi kan chhuang takzet a ni,’ thuchhuah chuan a ti.
CM leh Supply minister chhuang
Get real time updates directly on you device, subscribe now.
Prev Post