CM pahnihin ramri sawi

Assam chief minister Himanta Biswa Sarma chuan Guwahati-a cham mek Mizoram chief minister Lalduhoma chu nimin zing khan a chenna inah tukthuan a buatsaih sak.
Chief minister pahnih hian ramri chungchang an sawi dun a, chinfel tuma theihtawpa hma lak dun an rel. Assam state assembly thutkhawm lai a nih avangin an thutkhawm zawh hun remchang hmasaa ramri in-charge minister chu Mizorama a rawn tirh tur thu Assam chief minister hian a hrilh a. Ramri chungchanga state pahnih an inbiak chhung chuan a tu ve ve pawhin ramriah buaina siam loh nise an ti.