CM pual bik car cheng nuai 31.5 man

CM pual bik car cheng nuai 31.5 man
Delhi-ah Mizoram chief minister hman tur car, Mizoram sorkarin a lei a, cheng nuai 31.5 man a ni.
Budget Session liam taah khan ziaka chhan zawhna chhangin chief minister Lalduhoma, GAD changtuin New Delhi Mizoram House-ah chief minister pual bik tur car thar lei a nih thu hi a sawi a, Rs 31,53,059 man a nih thu a sawi.
He car hi Toyota Innova Hycross (multi purpose vehicle) a ni a, July ni 4, 2025-ah Mizoram sorkarin a lei a ni.
2024 August-ah khan chief minister hman tur Mahindra Thar pathum lei a lo ni tawh a, pakhat hi cheng nuai 17 vel man a ni. Sawi a hlawh a, Mizoram Police chuan thuchhuah siamin, Mahindra Thar pathum hi chief minister venhimna tur a ni, an ti.
Chumi hnuah 2025 June-ah khan chief minister hman tur Toyota Innova lei a ni leh a, hei hi cheng nuai 32 man vel a ni.