CM Rubber Missions-ah hectare 173 tih belh dawn

CM Rubber Missions-ah
hectare 173 tih belh dawn
Chief minister Lalduhoma chuan Nilaini khan Mizoram Rubber Society (MIRSO) hruaitute a kawm a. Chief Minister’s Rubber Missions 2nd phase-in a tuam tur chin hectare 173-a zauh belh an dilna a remtih sak.
MIRSO president Hrangzuala chuan sawrkarin a tirh anga Mamit district-a 2nd phase hmanga hmalakna tur khua an tlawh report a pe a. Loneituten CM Rubber Missions tha an ti em em a, an phurin an nghakhlel a. He hmalakna hmanga bul tan ve ngei duh an tam si a. 2nd phase atana hectare pek belh Ha.400 ah an inkhung leng ngang loa, a dang Ha.173 pek belh leh mai turin an dil tih a thlen.
Chief minister hian 2nd phase atana an dil belh hectare 173 pek a remti a. A mawhphurtu official-te a hriattir nghal. Rubber sawngbawlna khawl 100 subsidy-a pek tur pawh chak taka bawhzui a nih thu a lo hrilh.
CM Rubber Missions 2nd phase hian ram hectare 2400 a zau a huam dawn a. A zatve, hectare 1200 chu NABARD sum hmanga kalpui a, a zatve dang hi Bana Kaih Scheme atanga kalpui tum a ni. MIRSO dil anga ram Ha.173 dah belh hi Bana Kaih scheme hnuai tur a nih avangin Bana Kaih hian 2nd phase-ah hectare 1373-a zau a huam dawn a ni