Coach reh vanga sum chawi Messi

Coach reh vanga sum chawi Messi
Karliamta Inrinnia Major League Soccer bul Tanna inkhelah Inter Miami captain Lionel Messi inthunun zo lo lai hmuh tur awmin, Miami khawpuia an mikhual New York City FC nen sihnih ve ve thuna an inhnehtawkna inkhelah lehlam pawl coaching staff pakhat nghawng hnung lamaha rehsak a, pawisa chawitir a ni.
Video footage-a a lan danin kum 37 mi Argentine hian khelmual sir awm coach hi a va pan a, a hnunglam nghawngah a va Tham a, pawhsan a ngai hial a, yellow card pek a ni.
Ballon d’Or chawimawina vawiriat dawng tling tawh Messi hi Thawhlehni khan MLS Disciplinary Committee chuan pawisa chawi turin an hrem a, Inter Miami forward sum chawi zat erawh tarlan a ni lo.
Top-flight North American league hian Thawhlehni vek khan Messi team-mate Luis Suarez pawh half time laia Norwegian defender Birk Risa nghawnga a tuai avangin pawisa an chawitir ve bawk.
Nizan CONCACAF Champions Cup match-ah Miami hian Sporting KC an hmachhawn zui leh nghal a, an result erawh tarlan hman a ni lo.