Coffee-in cancer risk tihniam
Mithiam ten zirchianna an neih tharah regular taka coffee in hian lung lam natna hrang hrang leh cancer risk a tihniam thei niin an sawi.
German Institute of Human Nutrition Postsdam-Rehbruecke a epidemiologist Anna Floegel leh a thawhpui ten zirchianna an neih tharah chuan, “Puitling hrisel pangngai tan coffee in hian a chhe zawngin taksa a nghawng lova, natna benvawn hrang hrang risk a tihniam zawk a ni,” an ti.
German mithiam te hian European Prospective Investigation into Cancer and Nutrition tiin zirchianna hi an nei a, mi 42,659 te case an chhui bing a. Heng mi chi hrang hrang te hi an ei leh in leh an hriselna te an chhui zawm ta a ni.
Kum 9 zet zirchianna hi an neih hnuah, nitin coffee no li leh a aia tam in thin te chu nikhata coffee no 1 leh a aia tlem in thin te aiin an taksaah a chhe zawnga nghawng a nei chuang lo niin an sawi a, chutih rualin regular taka coffee in chuan Type 2 diabetes risk a tihniam zawk niin an sawi.
Mahse, zirchianna neitute chuan coffee hi bawnghnute leh chini tel lova in tur niin an sawi thung a ni.
He zirchianna chungchang hi American Journal of Clinical Nurtition-ah tarlan a ni.