coldplay a vawi khatnan member kim loin perform

ustralian stadium tour an neih mekah Coldplay chuan an band indin tirh atanga a vawi khatna’n band member kim lovin show an nei.
Coldplay hian tunah Australian tour an neih mekah, Marvel Stadium-a an sold-out show zingah Nilaini khan band member pali zinga pakhat chu dam lohna avangin a tel lovin show an nei ta tho a. Hei hi an band in dintirh atanga a vawi khat thlenna a ni.
Hemi chungchang hi an lead singer Chris Martin chuan, Melbourne Marvel Stadium-ah show an neih tur chungchangah an bassist Guy Berryman chu taksa lam dam lohna avangin, a tel lova an inlan tur thu a sawi lawk a. A sawi lawk ang ngeiin an inlan bawk.
Chris, 47, chuan show an neih mek laiin, “Zanin hian show danglam bik tak kan nei dawn a, show tha ber hmuh tir che u in theihtawp kan chhuah dawn a. A chhan chu, Melbourne-ah hian in bulah kan awm mek vang a ni. Tihsual palh emaw, buaina eng emaw kan nei a nih chuan in mihriatthiamna kan ngen lawk a, hei hi kan bass player a tel theih loh vang a ni. Zanin hian, dam lohna avangin Guy hi a rawn inlan thei dawn lo a ni,” tiin show chhimtute hmaah a puang a ni.