College-a zirtirtu tam ber chu English zirtirtu

Mizoram sorkar hnuaiah college hrang hrang a awm a, department/subject hrang hrangah English department-ah zirtirtu an tam ber.
Mizoram Hindi Training College, Govt Mizoram Law College, Mizoram Polytechnic, Lunglei, IASE leh Women’s Polytechnic, Aizawl te tel lovin zirna thlur pangngai zirna college hrang hrangah a tam ber chu English literature zirtirtu an ni.
Mizoram sorkar hnuaia college hrang hrangah hian zirtirtu 834 an awm a, chung zingah chuan English zirtirtu 95 an awm. Mizo zirtirtuin an dawt a, 89 an awm. Political science zirtirtu 84 an awm bawk.
History leh education-ahte zirtirtu 83 an awm a, economics-ah 80 an awm.
Zirtirtu tlem berna chu philosophy leh electronics te a ni a, pali ve ve an awm. BBA-ah zirtirtu panga an awm a, Hindi leh geology-ahte pakua ve ve an awm.
Sorkar college-ah hian a ngheta thawk zirtirtu 563 an awm a, contract-a thawk 38, part time-a thawk 41, RUSA hnuaia mi 55 leh casual-a thawk 137 an awm.
Mizoam Hindi Training College-ah zirtirtu pasarih an awm a, Govt Mizoram Law College-ah 11, Mizoram Polytechnic, Lungleiah 32, IASE (Institute of Advanced Studies in Education)-ah 25, Women’s Polytechnic, Aizawlah 28 an awm.