College zirtirtu zingah danin a phut ang nei pha lo an tam

College zirtirtu zingah qualification neih ngai nei pha lo an awm nual a, danin a phut ang an neih loh chuan ban mai an ngai dawn tih Higher & Technical Education minister Dr Vanlalthlana chuan a sawi.he Aizawl Post-in a zawhnaah H&TE minister chuan college zirtirtu semrual tuma sawrkarin hma a lak meknaah an dinhmun zirchian zel niin, zirtirtuten kar khata class an lak dan atanga chhutin, a rual thei ang bera sem tum a ni tih a sawi a. Casual lecturer zingah college lecturer ni tura phut ang ni pha lo 108 an awm a; an ni bakah hian part time-a thawk zingah qualify lo 32 leh contract-a thawk zingah qualify lo 4 an awm tih a sawi.
Finance department ruahman angin casual lecturer hi department mila lak tawh tur niin, hemi ang hi chuan college thenkhatah casual teacher ban ngai an awm laiin, college thenkhatah lak belh ngai an awm thung tih a sawi a. Lecturer lam hian transfer kual mai tura an ngen laiin, Finance department duhdan ang hian ban vek phawt an ni anga, a tul anga lak thar tur niin, thawk lai, qualify erawh hriat bik an ni dawn tih a sawi a ni.
Lecturer qualify lo tam zawk hi, danin a phut anga NET (National Eligibility Test) nei lo an ni deuh ber a, contract lecturer phei chu kum 2008-a lak tawh, chance vawi tam nei tawh an nih avangin qualify lo chu an hun a tawp chuan chawlh tir mai an ngai dawn tih H&TE minister hian a sawi.