Commerce & Industries Minister Conference (Udhyog Samagam-2024) chu Ningani khan New Delhi-ah Union Commerce & Industries minister Piyush Goyal kaihhruaia neih a ni a. Mizoram Commerce & Industries minister F Rodingliana pawh telin, industry lama hmasawnna tura state hmalakna leh harsatna tawhte a sawi.
Ministers’ Conference ah hian thupui ber ‘Ease of Doing Business (EODB)’ chungchanga state leh union territory te hmalakna thlirho niin, India ram khawi hmunah pawh sumdawng leh industry-a eizawngten awlsam zawka an sumdawnna an kalpui theih dan tur leh industry/ sumdawnna liantham zawk an rawn luh duh pawh a, investment awlsam zawka reform leh policy neih dan tur sawikhawm a ni.
Minister F Rodingliana hian Mizoram sawrkarin Industrial Policy leh Investment Policy a duangthar a, investment ti duh tan zau zawka kawng hawn a ni tih a sawi a. A bikin agro-based industries leh mau kaihhnawih industry-ah nasa zawka hma lak tum a ni, tiin, sawhthing, aieng leh hmarcha tharchhuah a tam dawn avangin heng thlai sawngbawlna tur buatsaih mek a ni tih a sawi. Mizorama industry din kawnga harsatna awm sawiin, India ram state dangte leh sawrkar laipui chu a theih ang anga Mizoram pui a, chhawmdawl turin a ngen.
Commerce leh industry lama Mizoram inbuatsaih dan sawi
Get real time updates directly on you device, subscribe now.
Next Post