Jan Shikshan Sansthan Mamit High School Vengah PM Vishwakarma scheme hnuaia carpentry training chu Zirtawpni khan kalpui tan a ni.
He scheme hi India sawrkarin kutthemthiam thil neisate zawnchhuah leh an thiamna tihpun a, eizawnna ngelnghet zawk an neih theihna tura a duan niin, 2023 September khan tlangzarh a ni. Mamit district-ah pawh Jan Shikshan Sansthan Mamit hi sawrkar laipui atanga Training Centre tura thlan a nih angin kumin September 5 khan ministry-in a pawmpui sa candidate 14 atangin mi 6-in pre-skill assessement an paltlang a, pre-skill assesment paltlangte hian basic training an kal leh ang.
He scheme hnuaiah hian trade hrang hrang – carpenter (thing mistiri), brick mason (cement mistiri), tailoring (puanthui), barber (lumet) adt awmin, training duh tan Common Service Centre (CSC) ah inziahluh theih a ni.
Training hi chhawng hniha then niin, basic training ni 5 chhung leh advanced training ni 15 chhung neih a ni anga, training an zawh hunah assessment an nei leh dawn a ni. He scheme-a training tur hian pre-skill assessment an paltlang hmasak phawt a ngai a ni.
Mistiri hna inzirtir
Get real time updates directly on you device, subscribe now.
Next Post