Community reserve-a puan atan ramngaw hlan an remti

Community reserve-a puan atan ramngaw hlan an remti
Community reserve-a Kawnpui Zotlang Ngaw puan chungchangah Kolasib addl DC B Malsawmtluangi kaihhruaiin an thukhawm a. SDO (C) Kolasib, Kawnpui VC-I, Kawnpui Hmar Veng YMA, MUP leh MHIP an tel.
Community reserve-a puan tura ruahhmanna hi khawtlang hruaituten rem an ti ngei em, tih tihchhiana tura thutkhawm hi koh a ni tih addl DC hian a sawi a. Ramngaw chu community reserve-a puan a nih chuan ramngaw leh a chhunga cheng nungchate khauh taka humhalh an ni tawh dawn tih a sawi a ni.
Kawnpui VC-I president chuan an ram chu hman atanga khawtlangin an lo humhalh thin tawh a ni a. Khawtlangin an phal loh thil lo tiru pawh an hrem thin tih a sawi. Ramngaw ah hian ramsa leh sava chi hrang hrang an chen bakah an hmu thin a, ramngaw hi community reserve-a puan a nih theih chuan nakin zelah ecotourism lam hawiin, khualzin leh mipui hipna atana hman a, an khawtlang tan a chhenfakawm tak a nih theih an beisei tih a sawi a ni.
Thutkhawmah hian community reserve-a puan tum ram chhungah hian periodic patta nei pakhat a awm a, a neitupa hian a ram chu khawtlang tan a pe tih sawi a ni.