Cristiano Ronaldo behchhanin ‘complete footballer’ chungchang headline-ah hian tarlan a ni a, he tah hian han chhunzawm hlek ila, Sport Bible-in statschecker.com statistics lakkhawm behchhana ‘top 10 most complete football players’ a thlanchhuah leh an point hmuh zat kan han chhawpchhuak e.
Chu mi hmain, nia, complete footballer an tih awmzia tarlan a ni nual tawh a, a tawi thei ang bera hrilhfiah dawn chuan ‘khelmual chhunga engkim ti thei player’ tiin a sawi theih ang.
Inkhel level sang bera goal thun thei, pawlte pass thei, lehlam pawl bum thei, mahni goal venhim kawnga rintlak bawk si han tih angte hi ‘complete footballer’ kan tihte chu an ni lo thei lo ang.
Stats website pakhat statschecker.com an tih chuan goals, tackles, clinical passes, assists, successful runs, accurate shots leh shots on target tihte hmanga tehna fet tak khai chungin Europe-a complete footballer ranking an han siam a, chu tehna hmang chuan a mawng berah Cristiano Ronaldo a awm a, a chung berah a elpui lian ber Lionel Messi kan hmu thung!
-- Advertisement --
Complete footballer top 10 chu le:-
10. Cristiano Ronaldo – Al-Nassr FC Portugal Forward 351
9. Rodrigo De Paul – Atletico de Madrid Argentina Midfielder 357
8. Filip Kostic – Juventus FC Serbia Midfiedler 365
7. Alejandro Gomez – AC Monza Argentina Midfielder 371
(anti-doping test paltlang loh avangin October 2025 thleng hrem a ni)
6. Wilfried Zaha – Galatasaray SK Ivory Coast Forward 384
5. Adama Traore – Fulham FC Spain Forward 391
4. Emiliano Buendia – Aston Villa FC Argentina Midfielder 393)
3. Luis Alberto – SS Lazio Spain Midfielder 395
2. Kevin De Bruyne – Manchester City Belgium Midfielder 407
1. Lionel Messi – Inter Miami CF Argentina Forward 507