Congress hi mipui inpui – Lal Thanzara

Congress party chu Zoram mipui inpui a ni tih an party vice president Lal Thanzara chuan a sawi.
Zirtawpnia Congress Bhawan-a political session neihah MPCC vice president hian thalai rilru fim leh ngaihtuahna nasa tak hmangtuten sawrkar tha siam turin an party an zawm zel a, hei hi Congress party-ah mipuiin rinna an nghah zia tilangtu a ni tiin a sawi. “Nitin Mizoram tana sawrkar tha kan siam hun a hnai zel a. Congress party tana thawk ni mai loa, ram tana thawktu ni tur leh, Congress party chu Mizoram mipui inpuia awm turin kan lawmlut zel a ni,” a ti.
He hunah hian Mizoram University Department of Social Work asst. professor Dr C Lalengzama hnen atangin ‘Mizoram Loneitute Eizawnna; An harsatnate leh hmalak Dan tur’ tih hmangin thu an zir ho a ni.