Congress in Adani group chungchang sawichhuah duh
Parliament winter session neih a nih hmain pathianni khan sorkar chuan customary all-party meet a ko a, Congress chuan Adani group laka thamna thubuai siamsak chungchang chu sawihona neih ngei an phut thu an sawi.
Eptu party chuan Adani group chungchang bakah hian Manipur chungchang, India hmar lam boruak bawlhhlawh leh rel chetsualna hrang hrang chungchang sawiho an dil bawk.
Congress hruaitu Pramod Tiwari chuan thuthar thehdarhtute a kawmnaah Adani group scandal lian tak awm chu sawiho phalsak ngei turin sorkar an ngen tih a sawi a, thawhtannia an party thutkhawmah pawh parliament session tanniah he thubuai chungchang hi ngaihtuah an duh thu an sawi dawn niin a sawi.
Rajya Sabha MP Tiwari hian house pahnihah eptute chuan he thil hi thutkhawm tan ni atanga an sawichhuah tum a nih thu sawiin, ram tan thil pawi tak a nih avangin puh a nihna hrang hrangah hian sorkar chu sawifiahna nei ngei tura an phut dawn thu a sawi a ni.
Congress in Adani group chungchang sawichhuah duh
Get real time updates directly on you device, subscribe now.