Congress-in candidate leh manifesto a puang
MLA inthlanpui atana Indian National Congress candidate-a chu Thawhlehni khan official-a puan a ni a. An manifesto pawh official-in an tlangzarh.
INC candidate tur hi October 16 (Thawhtanni) khan a darh tawh a, official taka puan a ni lo thung. Hetah hian Lunglei South biala an candidate tura ngaih Meriam L Hrangchal chu a tel lo a, bial 39-a candidate tur te an lang a ni. Thawhtanni tlai khan Lunglei South bial atana an party candidate hi an tichiang nghal a, Meriam L Hrangchal dah a ni.
Thawhlehni khan an party senior vice president Lal Thanzara’n candidate ho hi Congress Bhavan-ah a puang a. Zawhna chhangin, Mizo Zirlai Pawl-in hnamdang pasal nei candidate nei lo tura an tih chungchangah an president leh amah ngei pawh zirlai pawl lam hian an ngen a. Chutihrualin, tuna an candidate pakhat pasal, hnamdang thisen kai chu a pi leh pute atang tawha Mizorama inbengbel, tribal certificate nei, kohhran leh khawtlangah pawh Mizo zinga awm an ni a, an ni chuan Mizoah an pawm tih a sawi. Khawvel hmun dangah pawh, England leh United State thlengin an ram hruaitu zingah Indian thisen kai an nih ve tho thu a sawi bawk.
“Kan zirlai hruaituten an duh loh thu an sawi a, a lawmawm a, hnam humhalh an tumna pawh a ni ang. Amaherawhchu, an hriatchian hunah chuan min beih zui zel loh kan beisei,” a ti.
INC candidate-ah hian vawikhat din na tur – first timer 24 an awm a; sitting MLA 4 awmin, MLA-a tling tawh thin 9 leh inthlan hnuhnung bera candidate chang tawh 3 an awm a ni.
INC official candidates:
1. Hachhek – Lalrindika Ralte
2. Dampa – Lalhmingthanga Sailo
3. Mamit – K Lalthanzama
4. Tuirial – Dr Henry Zodinliana Pachuau
5. Kolasib – S Lalrinawma
6. Serlui – Lalhmachhuana
7. Tuivawl – RL Pianmawia
8. Chalfilh – Vanneihthanga Vanchhawng
9. Tawi – Lalringliana Khiangte
10. Aizawl North-I – Lalnunmawia Chuaungo
11. Aizawl North-II – R Lalrinmawia
12. Aizawl North-III – Lal Thanzara
13. Aizawl East-I – Lalsanglura Ralte
14. Aizawl East-II – PC Lalhmingthanga
15. Aizawl West-I – Lalbiakthanga
16. Aizawl West-II – Dr H Ngurdingliana
17. Aizawl West-III – Lalsawta
18. Aizawl South-I – Vanlalawmpuii Chawngthu
19. Aizawl South-II – Dr Lalmalsawma Nghaka
20. Aizawl South-III – Rosiamngheta
21. Lengteng – Lalhmingthanga Pachuau
22. Tuichang – C Lalhriatpuia
23. Champhai North – K Lalnunmawia
24. Champhai South – Dr Lallianchhunga
25. East Tuipui – C Lalnunthanga
26. Serchhip – R Vanlaltluanga
27. Tuikum – TT Zothansanga
28. Hrangturzo – Lalroenga
29. South Tuipui – Er C Laldintluanga
30. Lunglei North – Eric R Zomuanpuia
31. Lunglei East – Joseph Lalhimpuia
32. Lunglei West – PC Lalthanliana
33. Lunglei South – Meriam L Hrangchal
34. Thorang – Zodintluanga Ralte
35. West Tuipui – Nihar Kanti Chakma
36. Tuichawng – Hara Prasad Chakma
37. Lawngtlai West – C Ngunlianchunga
38. Lawngtlai East – H Zothangliana
39. Siaha – N Chakhai
40. Palak – IP Junior