Congress-in ram pumah Samvidhan Bachao rally huaihawt dawn

Congress-in ram pumah Samvidhan Bachao rally huaihawt dawn
Congress party chuan April 25 leh 30 inkar hian state zawng zawngah ‘Samvidhan Bachao’ rally an huaihawt dawn tih Inrinni khan a puang.
Rally hian ram pumah khawtlang nun, politics leh eibara dikna a awm theihna tur puan chu a tum a ni tih PTI chuan a tar lang.
Congress-in ni 40 chhung awh tura BJP kaihhruai sorkar laipuiin danpui an palzut dan puan chhuahna tur, ‘Samvidhan Bachao Abhiyan’ an kalpui tur zinga peng khat a ni.
“Vawiina Congress President kaihhruaia AICC General Secretary, Incharge leh Frontal Organization chief thukhawm chuan Ahmedabad leh Belagavi thutkhawma kan lo puan tawh angin Samvidhan Bachao Abhiyan chu a kaltlangpui danw a ni,” tiin an hruaitu, KC Venugopal chuan Inrinni khan X-ah a tar lang.
Rally-te hi April 25 leh 30 inkara neih tur niin a hma, April 22 hian Pradesh Congress Committees (PPC) executive meeting chuan a hawng dawn a. District level rally pawh May 3 leh May 10-ah huaihawtin assembly level-ah May 11 leh 17 inkarah huaihawt a ni bawk ang.
May 20 leh 30 inkarah Congress hian in tina lutin campaign hi khar turin an ruahman.
Congress hian Inrinni vek khan BJP chuan Supreme Court chu bitumin tihchak loh an tum niin an puh thar bawk a, party mal chu danpuiin phalna a pek loh ang zawnga dan siam tur an ni lo tih an sawi.
Congress General Secretary Jairam Ramesh-a chuan mipuite chu danpui tlawhchhana an din laiin minister leh BJP MP-te chuan Supreme Court duh loh ang zawnga thu sawiin he rorelna in hi tihchak loh an tum niin a puh.
Congress chuan Supreme Court chu mahnia a hranpain, tumah tan bik nei lova ding turin a duh tih Ramesh-a chuan a sawi
A hma lawkin Congress hruaitu hi vawi li MP ni ni tawh, BJP hruaitu, Nishikant Dubey-a chuan court sang berin dan a siam theih chuan parliament leh state assembly zawng zawng chu khar vek ni se tiin a lo sawi khum tawh a ni.