Congress ten Amit Shah bang turin nawr zel

Congress ten Amit Shah bang turin nawr zel
Congress te chuan Home Minster Amit Shah an Constitution principal architect B.R. Ambedkar Parliament a ‘hmusit’ taka a sawina duhlohna lantir chhunzawm zel leh Amit Shah bang tura an nawrna “Jai Bapu, Jai Bhim, Jai Samvidhan” campaign official pamphlet chu an tlangzarh.
New Delhi a pary headquarter a press conference a neihnaah Congress’ Media and Publicity Department chairman Pawan Khera chuan he campaign hnuaiah hian party leaders te chuan “chaupals” (village-level meetings) district tinah January 26 thlengin an nei ang a. Chutah chuan BJP-RSS tena Abnedkar an hmuhsitna leh Constitution an namnul dan sawi a ni dawn tiin a sawi.
He campaign hi a tirah chuan December 27 khan Karnataka a Belgavi district ah neih tan tura ruahman a ni a, mahse, Prime Minister Manmohan Singh thihna avangin a hun sawn a ni.
He campaign tawp kharna hi Madhya Pradesh a Ambedkar pianna hmun Mhow ah January 26 khian public rally neiha khar tur a ni ang a, Republic leh Constitution kum 75 na chiah a ni dawn bawk tia sawiin Khera chuan chumi hnuah kum khat chhung “Samvidhan Bachao Rashtriya Padayatra” in a zui ang tiin a sawi.
Padayatra (ke a kal) hi Ambedkar legacy leh values te humhimna tura tih niin India ram puma khua te luhchhuah vek tur niin lungrualna leh social justice thuchah ken a ni ang a, Republic Day 2026 thleng a awh dawn a ni tiin Khera chuan a sawi bawk.
“Dr. Ambedkar hmusitna a sawi avangin Home Minister Amit Shah chu bang ngei turin kan ngiat a ni” tiin Khera chuan a sawi.
December 17 khan Rajya Sabha a Constitution debate neihnaah Shah chuan Congress te chu Dr. Ambedkar hming lam ri rengah puha sawiselin, “Ambedkar, Ambedkar, Ambedkar, Ambedkar tia sawi hi fshion a ni hawt tgawh a. Pathian hming hetiang ang hian lam zing se chuan vanramah pawh hmun an chanphah thei mai ang” tiin a sawi a. hei vang hian Opposition party te chuan nasa taka sawisel nghalin Shah chu Ambedkar hmusit tiin bang turin an nawr zui ta a ni.
“Home Minister hian ngaihdam a dil kan beisei a, Prime Minister Narendra Modi pawh he thilah hian irawlh se kan duh a ni” tiin Khera a chuan a sawi a. Home Minister a thlawp tlat avang hian Modi pawh Dr. Ambedkar hmuhsitnaah a telve tihna a ni tiin Khera chuan a sawi bawk a. Balagavi meeting an neihnaah he issue hi khel berah an neih thu leh chuvang chuan party chuan ram pum huapin campaign an kalpui phah a ni a ti bawk.
Khera chuan BJP leader te chu national leader Mahatma Gandhi, Babasaheb Ambedkar leh Jawaharlal nehru te ang India history a an sulhu nawhreh theih tawh loh tur te dah hniam tum tlatah a puh bawk.
“Khawvel in a ngaihsan Mahatma Gandhi te meuh pawh rorel lai mek party te hian zawi awiin an paih tial tial a ni. Hei vang tak hian Congress te chuan chetla in babasaheb Ambedkar leh Mahatma Gandhi te legacy chu humhim a tum tlat a ni” tiin Khera chuan a sawi bawk.