Congress ten crowdfunding campaign

Kum 2024 Lok Sabha election hmain Congress te chuan ram pum huapin crowdfunding campaign ‘Donate for Desh’ chu party tana resource tihpun nan an kalpui dawn.
Congress president Mallikarjun Kharge chuan December 18 hian campaign hi digital mode-in a hawng ang tiin Congress general secretary K.C. Venugopal leh party treasurer Ajay Maken te chuan press conference an neihnaah an sawi a. Campaign physical mode chu December 28 a\angin party dincham 138 na niah door-to-door collection drive te nen neih a ni dawn thung.
Nakum inthlanpui awm tur atana inpuahchahna ni pah fawmin Congress-te chuan foundation day ah Rashtriya Swayamsevak Sangh (RSS) headquarter Nagpr ah ngei mega public rally an nei dawn bawk a. “Senior leader tin an awm ang a, rally-ah mipui nuai 10 vel kan beisei a ni” tiin Venugopal chuan a sawi bawk.

Rs 138 tihpun
Congress treasurer chuan Indian khua leh tui kum 18 chin chunglam chuan party tan Rs 138 emaw tihpun an thawh thei a ti bawk a. “Miin sum a thawh veleh Congress president hming ziah hnanna certificate pek an ni ang,” tiin Maken chuan a sawi bawk a.
“Kan inaugural campaign ‘Donate for behtar Bharat’ hi Indian national Congress zinkawng kum 138 na chiah a ni dawn bawk a. Kan history te hrerengin Rs 138 (e.g., Rs 138, Rs 1,380, Rs 13,800 emaw a aia pung zelin) tipung turin leh party in India \ha zawk tana a thawhna kalpui zel turin kan ngen a ni,” tiin Venugopal chuan a sawi.
Party chuan online crowdfunding atan channel pahnih a siam thar a, pakhat zawk website (donateinc.in) bakah party official website chu donation tih nana hman theih a ni bawk ang.
State unit tin te chu press conference leh social media hmanga awareness kalpui tura ngen an ni bawk a. Party worker leh volunteer te chu booth tinah chenna In sawm \heuh target siam tura tih an ni bawk.