Congress ten Lord Ram hmusit ti

Prime Minister Narendra Modi chuan April 9 khan Congress-te chu Ayodhya-a Ram temple sak tum tam tak tihhlawhchham tuma hmala leh a hawnna ‘pran pratistha’ ceremony a tel ve tura sawmna hnawlin Lord Ram an hmusit tiin a sawi.
Uttar Pradesh Pilibhit a election rally a neihnaah Modi chuan Congress te chuan intlawn lungawi atchilhin an kalsan thei lo a ti bawk a.
“Ayodhya-a Ram temple sak a nih loh nan Congress te chuan nasa takin hma an la a ni. Mahse, India mipui ten sum thawhkhawma temple mawi tak an sak hnuah, temple mipui ten insualna zawng zawng te ngaidama pran pratisthaa tel tura an sawm che u inhnawl khan Lord Ram inhmusit a ni” tiin a sawi.
“He ram chhungkaw tin ten an inpek tawkna ang zelin thawh an nei vek a. Pilibhit mipui te pawhin Ayodhya tan flute lian tak in pe a ni. Mahse, INDIA alliance mipui te chuan Ram temple sak hma atang hauhin huatna an nei a, tun thlengin huatna in an la khat a ni” tiin Modi chuan a sawi bawk.
Uttar Pradesh chief minister Kalyan Singh an temple sak a nih theih nana a hnathawh sawiin , “Kalyan Singh kha Ram temple tan a nun leh a sorkar a hlan a ni” tiin a sawi.
Singh kha Ram amndir agitation laia langsar ber pawl niin kum 1992 a Babri mosque chhutchhiah a nih lai khan Uttar Pradesh chief minister a ni.
Congress te chu nataka beiin Modi chuan, “Congress te hi mi tlawn lungawiah an inhnimphum nghet lutuka an chhuak thei tawh lo. Congress te manifesto buatsaih te hi Congress tih ni lovin Muslim League te tih a niang” a ti bawk.
Prime Minister chuan a sorkar chuan developed India a awm theih nan a thawk a ti a. Khawvelin harsatna hrang hrang a tawh lai pawhin India chuan theihloh a awm lo tih a lantir tlat a, chu mi awm theihna chhan chu in vote tin pawimawh em avanga thleng thei chauh a ni.
“Eng anga harsa pawh ni se, India chuan hlawhtlin a tumtlat a, a hlawhtling bawk ang. Vawiinah hian theih tapw chhuahin developed India tan kan bei mek a ni” tiin a sawi bawk.
“Khawvel pumin harsatna a tawh lai pawhin India chuan engkim tihtheihloh a awm lo tih a lantir tlat a ni” tiin a sawi bawk.
Modi chuan Congress sorkar khan khawvel ram dang sorkar tanpuina a ngen thin a, mahse, keini chuan Covid pandemic lai pawhin khawvel hmun hrang hranga medicine te chu India atangin kan thawnchhuak zawk a ti bawk.
“India chu khawvela economic power ram thang chak ber a ni tawh a, Chandrayaan in thlaah tricolour a dah tawh a, G20 summit turu takin khawvel fak hlawhin a thlenga inchhuang lo em ni?” tiin a sawi bawk a.
“Ram a chak a nih chuan khawvelin a ngaithla mai” tiin Modi chuan a sawi bawk.