Lallunghnema
Charity Lodge
Cont: 9862288182
-- Advertisement --
Chhiartute chibai ka buk a che u.
|hahnem ngai taka he Consumer Column in lo chhiar thin avangin in hnenah lawmthu ka sawi e.
Chhiartute hnen atangin fuihna leh thu tha tak tak ka dawng thin a. Heng fuihnate hian min tiphur a, chona nasa tak min pe a ni.
Tun Chawlhkâr hian thurâwn tha tak tak ka dawng a. Zawhnate pawh ka dawng tel bawk. Consumer Disputes Redressal Commission President pakhat chuan, “Adhar Card nei lote hi consumer an ni thei em? tih chungchangah ka ngaihdan min zawt a. Ngun taka ka ngaihtuah hnuin hetiang hian ngaihdan leh hmuh dan ka nei a. ‘Mi tu pawh thil leitu leh hmangtute chu consumer an ni’ tih hi a ni. Consumer Protection Act 2019 chuan Section2(7) ah chiang takin tu te nge consumer tih a tarlang a. Hetiang thu hi ka lo sawiin ka ziak fo tawh a ni. Consumer Thubuai chi hrang hrang kan thlirin consumer engemaw zatin Mizoram pawn mai ni lo, India ram pawnah te chuan harsatna an tawk thin a. A bikin khualzin engemaw zat chuan foreign-a an zinin thlawhtheihna service thuahte chuan Consumer Court kher lovah pawh Court thenkhatahte complaint an lo theh lut tawh thin a ni. Adhaar card emaw voter ID emaw a ngai hran lova. Khua leh tui nih hran pawh a ngai lo hial ngei ang. Consumer a nihna tichiangtu cash memo, reciept, voucher etc. a neih phawt chuan a tawk niin a lang. Thlawhtheihna a zin chuan thlawhtheihna ticket a nei ngei angn, chu chu a tawk reng a ni.
Mizoramah hian ‘Rin hranna’ avangin mi tam tak chuan kal sualin (Anni chuan kal dik an inti!) Voter ID te, Adhaar card te hnawlin Kohhran atangin an hmingte chu an thai chhiattir a. ‘Pawl chhhak’ tih an ni. Khua leh tui nihna tichiangtu an hnawl thin. Mahse, thil leitu an nihna zâwnah erawh chuan ‘complaint’ an thlen thei a. Consumer an nih angin ‘Right’ an nei ve tih hi pawm dan tur a ni awm e. Engpawh ni se, tute pawh hian consumer kan nih hi chiang ila, dikna leh chanvo ropui tak kan neih hi i zah ang u, i humhalh zel ang u, kan ti a ni.
Zawhna ka dawn dang pakhat chu, politician tha tak, corruption dona kawnga lar em em hnen atangin a ni a. Chu zawhna chu “Thingtlang khuaahte hian District Consumer Forum ang hi a awm ve em? tih hi a ni. Ka chhânna chu ‘Awm lo’ , tih a ni. He zawhna hi a tirah chuan âtthlak, mâwl thlak ka ti a. Mahse, zawhna tha tak a ni. He zawhna avang hian Consumer Protection Act 2019 leh Consumer Commission chungchang tawi tê tak meuhvin ka sawi leh dawn a ni. He thil hi Public Meeting naahte ka sawi thin; ka ziak bawk. Kan ram hruaitu te pawh hian lo hre chiang se, ka duh hle a. POLITICIAN phei chuan an hre chiang ngei ngei tur a ni.
Consumer Protection Act 2019 Chapter IV ah hian Consumer Disputes Redressal Commission din chungchang tarlan a ni a. Section 28- ah hian District tin a District Consumer Disputes Redressal Commission te chu State sawrkar in a din tur thu sawi a ni a. He District Consumer Commission a awm tur President leh Member te Qualification te, Salary, Allowances leh an hna thawh dan tur tarlan a ni a. He District Commission-a thawktute chu District Commission thuneihna(jurisdiction) te, complaint file chungchang leh thil pawimawh dang tarlan a ni bawk.
Section 47-naah hian State Consumer Disputes Redressal Commission din chungchang tarlan a ni bawk. India ram state tinah SCDRC hi din a ni a. Mizoram-ah pawh hian State Consumer Commission hi kan nei a. Tuikhuahtlangah, Aizawl District Consumer Commission nen building pakhat intawmin an awm a ni. Hei hi consumer-ten kan hriat a pawimawh a ni. State Commission hian District Commission ang hian kalphung fel tak a nei a. Staff engemaw zat an awm a. Dawr pawh an nuam hle a, Aizawl District Commission-a staff te pawh hi an fel khawp mai.
State Commission chungah hian India rama Consumer Court (Commission) sang ber National Consumer Disputes Redressal Commission kan nei a. Chu chu Delhi-ah inhungin President-in a ho a ni. Consumer Protection Act 2019, section 53-in a sawi ang hian National Consumer Disputes Redressal Commission hian thuneihna sang tak a nei a. India rama consumer lungawi lohna khaikhawmtu sang tak a ni a. State leh District Consumer Commission-a lungawi lote appeal-na a ni a. A pawimawh hle. State leh District-a Consumer Commission- te angin thuneihnate, an hnathawh dan tur leh thil pawimawh dangte tarlan a ni bawk.
Tichuan, Consumer Commission hi National, State leh District-ah te a inkhai diat vek a. Thingtlangah erawh hetiang ang Consumer Court hi kan nei ve lo, tih hriat a ngai a ni e.
Bank Service chungchanga in zawhna te:
Zawhna: Bank dawrtute hi consumer an ni ve em?
Chhanna: Bank dawrtute(customer-te) hi consumer an ni e. Consumer Protection Act 2019 sec.2(7)-ah tu pawh service hmangtute chu consumer an ni thei tih a ni a. Bank service hmangtute chu consumer an ni a. Bank-te hi service provider an ni. Deficiency leh Unfair-trade practice chungchangah te hian Consumer Commission-ah khin theih an ni. Bank dawrtute hian Dikna leh chanvo in nei a. Bank tan an lal in ni ngei e.
Chawlhkar leh lamah kan titi ho leh dawn nia.