Consumer Lok Adalat inhrilhfiah

Consumer Lok Adalat inhrilhfiah
Kolasib District Consumer Lok Adalat awareness campaign chu October 28 zan khan Kolasib-ah neih a ni a. District Civil Supplies Office Kolasib leh District Legal Services Authority tangdun buatsaih niin, resource person-ah Kolasib District chief judicial magistrate Cacy Malsawmtluangi hman a ni.
DCSO Kolasib R Zirliana chuan mitin hi consumer kan ni vek a. Thil lei leh hralh chungchangah lungawilohna neihin court-a kal a, ukil rawihna neilo tan pawh sawrkarin Lok Adalat a siam a, hetah hian sum sen ngai loin an lungawilohna leh thubuai dang pawh thlen theih vek a ni tih a sawi. Mizoten dan hriat lamah nasa zawka tan kan lak a tul tih a sawi bawk.
Resource person chuan Consumer Lok Adalat pawimawhna a sawi a. An dikna chanvo humhimna tur leh diklo taka thil zuar nia an hriatte ngawihbo pui mai loa, hma an lak theih dan tur leh consumer awareness lama dan hriat ngai pawimawh zual a sawi a ni.
Awareness campaign-ah hian khawtlang leh NGO aiawhte leh mi thahnem tak an tel.