Consumer Protection Council-in
Private school fee siam dan en rel
Consumer-te dikna chanvo humhalhna tur ngaihtuahin, Consumer Protection Council chu Consumer Affairs minister B Lalchhanzova kaihhruaiin Ningani khan an thukhawm.
Minister chuan kan zavaia consumer kan nih avangin consumer dikna chanvo humhalh leh consumer chanvo palzamna thleng tur ven chu kan zavai mawhphurhna a ni tih a sawi a. Consumer Protection kalpui that lohna hmunah chuan sum hlutna a tlakhniam (inflation) nasat phah thei, tiin, hemi kaihhnawiha dan leh thupek awm chu ennawn fo a pawimawh bakah a kenkawh kawngah tanrual a tul tih a sawi a ni.
Thutkhawmah hian kawtkaia LPG delivery service pek theihna hmun huamzau tir dan tur, Mizofed Petrol Pump Treasury Square chhehvela dan loa petrol zuar thin tihtawp a nih theihnana hmalak dan tur leh hetianga dan loa hmun hrang hranga sumdawnna titawp tura hmalak theih dan sawi a ni a. Consumer lungawi lohna chinfel dan sawt zawka kalpui theih dan leh Legal Metrology Enforcement thawmthat dan tur sawiho a ni.
Private school fee ruahman dan endik, public transport fare endik, electric bill chungchanga lungawi lohna thehluh chinfel zung zung theih dan leh State leh District Consumer Protection Council member ruat dan ennawn a ni
Thutkhawma tarlan danin, Aizawl Municipal huamchhunga LPG distributor 12 zingah home delivery service zaa za pe mek distributor 5 an awm a. District Consumer Commission-ah lungawi lohna thehlut consumer 4710 awm tawhin, chu’ng zinga 4630 chu chinfel a ni tawh. State Commission-ah case thehluh 275 a awm bawk.
Consumer Protection Council-in Private school fee siam dan en rel
Get real time updates directly on you device, subscribe now.