Lallunghnema
Charity Lodge
Contract: 9862288182
-- Advertisement --
Kan hriat angin Liquedified Petroleum Gas hi Indian Oil Corporation Limited (IOCL) tâ a ni a. Eirawngbawlna awlsam leh zangkhai zawk khua leh tuite tana ruahmanna a ni. Tunah hian India ram pum puiah Gas Consumer hian 32.83 crore (,as on 1st.Nov.2024 )vel zet kan awm mek a. Mizoramah hian Gas Agent 59 awm mekin Khawpui piah lam thingtlang kilkhawr ber ber thlengin LPGas Consumer an awm mek a ni. Mi hausa leh rethei tan a man hla hle a. Ram mipuite tan malsawmna a niin India Sawkar zar kan zo theihna policy tha elkhen a ni. A man a tlawm a, a sam khaiin a awlsam em em bawk a ni.
Gas Agency-te zawm ngei ngei tur LP Gas Control Order 2000 leh The Marketing Discipline Guidelines, 2022 for LP Gas Distributor a awm a ni. Heng Dante hmang hian Gas Connection pek chhuah thin tur a ni a. Chu bakah Consumer tin te kawtkai ((home) ngeiah Gas-te chu pek thin tur a ni. Hemi chungchangah hian Secretary to the Government of Mizoram, Food, Civil Supplies & Consumer Affairs Department chuan thu chhuah (as on 1st November.2022) khawng tak a tichhuak tawh nghe nghe a ni.
HUN HMASA LAM :
Ka hriat sual loh chuan kum 1975 lai hawl vel khan Aizawlah hian LPGas hi an hmang tan a. Gas Agent-te chuan an consumer-te kha an inah an pe thin a ni. Gas bur- te chu an vuah felsak (fit) thlap thin. Gas Agency hmasa ber Suakchhunga Gas Agency Zarkawt chuan Gas Consumer- te chu anmahni in ngeiah pein Gas pawh chu Consumer te an vuahsak vek thin a ni.
HUN A LO KAL ZEL A :
Gas Consumer -te chu a kum telin an lo pung chho zel a, Agent pawh an lo tam chho zel bawk a, tlem tlemin Home Delivery bansanin Gas Agent-te chuan anmahni Show Room atangin Gas-te chu an sem chhuak ta zel a. Hei hi Dan kalh a ni nghal a ni. Hetianga Gas sem a nih hian Gas Agent-te tan chuan nuam singkhaw a lo ni a. Mipui lam atangin Home Delivery ti tura nawrna a awm lova,Sawrkar thuneitute pawhin an tui lian thlir mai niin a lang. Home Delivery chu tih dan phung(system)a nih reng reng an hre hek lo niin a hriat. Mipui zing atangin LP Gas Control Order leh Marketing Guideline zir tum an awm hek lo. Hetih lai hian consumer-te atangin mi thahnemngai fal mi tlemte an lo pen chhuak a. Thil chi hrang hrang an zir a, mipui hnenah thil dik an puangzar a, an au chhuak a, an zirtir thin a ni. Hetih chhung hian LPGas hnianghnar lo chho zel a, Gas lak tumte chu Gas Agent-te kawtah, kawng sirah an intlar ta pet put thin a, vantlang leh sawrkar tan pawh hnawksak a lo ni ta a ni. Gas chu ‘monopolistic’ a nih avangin Gas changin nu tling pa tling thui tak tak an intlar a lo ngai a. Tlaivar thleng thlenga gas nghah a ngai thin. Lung tum tlar hial a lo hring chhuak ta a ni.
MCU A INRAWLH :
Aizawl khawpui chhunga Gas hmanga eirawngbawltute thil tawn chu namen lovin a lo nasa zel a. Gas Connection man a to chak em em a. Gas mamawhna a san em avangin Black Marketing a hluar hle bawk a ni. Hetih laiin Parallel Marketeer-te an lo inlar a, mipui hnenah Gas man tlawm zawk leh home delivery an tawktarh (zuar) a, mipuiin an bawh ruih ruih a. Mahse heng Private Gas Company- te hna thawh lar tak chu mipui bum leh an sum eisak a ni.
Tichuan, Mizoram Consumers’ Union chu mi thahnem ngaiten an din a, an hruaitu hmasa Rev.L.Ralte, Bualhranga, P.Lalupa, Sr Thangchungnunga, Lalsawta Ex Minister, Thanglura, Lallunghnema leh hruaitu dang eng emaw zatin Gas Home Delivery tih a nih theih nan hma an la ta nghal bawk a. Sawrkar nen pawh vawi duai lo an inbia a, mahse, lung bang sut ang mai niin tun hun hi kan lo thleng ta a ni.
Ka hriat reng danin (bul tumtu zinga mi ka ni bawk a) Gas Distribution Sub-Committee chu Sawrkar (FCS&CA) chuan a din a. Pu Lura leh kei hi member kan ni a. Sub-Committee chuan Mobile Distribution Point-a Gas sem hmasak an rel a. Hei hi Home Delivery kal kawng a ni. Ka thianpa Pu Thanglura chu Aizawl Khawpui vang hrang hranga Gas sem dan tur lo buatsaih turin ruat a ni a. Hei hian hma a la char char a, keini ka theih ang angin ka lo pui ve bawk a. Khawpui chhung veng hranga hrangah LP Gas chu kum 1999 vel atang khan sem tan a lo ni ta a ni. Mipui thawven vawikhatna…
Mahse Gas Home Delivery tih thar leh chu Gas Agent-te an phurpui loh em avangin lung bang sut angin a sak a. Harsatna hrang hrang an siam a, Gas Agent-te chhuanlam ber chu anmahni area-a office leh Show Room an nei lo chu a ni a. Hemi chungchangah hian keini MCU te khan Gas Agent-ten an area chhunga Pisa an neih theuh nan hma lak a ni a, mahse tun thleng hian Gas Agent thenkhatte chuan anmahni area- ah Pisa an la nei ta chuang lo a ni. Hei hian harsatna nasa tak a siam phah mek a ni.
Hun a kal zel a, a tawi zawngin han sawi ila, Sawrkar leh Pawl tha hnemngaih zarah Aizawl khawpui chhung home delivery chu veng pakhat College Vengah bul tan a ni a. A hawnna hi MIZOFED Office, Ramhlun ‘N’ -ah neih a ni a. Kha tih hun laia Supply Minister Pi K.Lalrinliani khan hawnna a nei a. Pi Hriati Director, FCS&CA-in a kaihruai a. Kei pawhin zah theih loh chhuahin thu ka sawi ve nghe nghe a ni.
Tunah hian Aizawl khawpui piah lam Lunglei-ah te pawh Home Delivery hi buaipui chhoh mek zel a ni a. Mipui hi mak tak maiin tih âtin kan awm tlat a. Home Delivery fuh lo hi consumer tam tak an awm a, Lung bang sut ang em chu ni lo mahse a sawt mawh hle a ni. Consumer-te kan lo fiah theih nan tunah hian Aizawl khawpui chhunga Home Delivery dinhmun a tlangpui chauhvin kan thlir dawn a ni.
1)ZORAM GAS AGENCY:
CHALTLANG:
Veng 6-ah Gas an pe thin. Rangvamual leh Phungchawngah Home Delivery an la ti lova, Chaltlang, Laipuitlang, Edenthar, Chaltlang Lily Vengah te Home Delivery hlawhtling lem lovin an kalpui mek.
2) BIAKKUNGI GAS AGENCY,CHANMARI:
Anni hian Ramhlun Venglai, Ramhlun Vengthar, Ramhlun Sport Complex, Ramhlun South, Chanmari, Chanmari West, Aizawl Venglai, Ramthar North, Ramthar te an bial a. An vaiin Veng 9 an ni. Hlawhtling lo takin Home Delivery an kalpui mek.
3) V. NEIHKUNGA GAS AGENCY, BAWNGKAWN:
Anni hian Veng 11-ah Gas an pe chhuak thin a. Heng Bawngkawn, Bawngkawn Chhimveng, Thuampui, Zuangtui, Muanna Veng, Mutthi, Selesih, Sihphir, Sihphir Vengthar, Ramhlun North, Lungdai-ah te hian a hming chauhin Home Delivery an la ti thei.
4) BMS INDANE GRAMEEN VITRAK, DURTLANG:
Anni hian Veng 3 an bial a. Chungte chu: Durtlang, Durtlang North, Durtlang Leitan an ni a. Home Delivery tihna an nei lo.
5) ZOPUII GAS AGENCY, VAIVAKAWN :
Veng 12-ah Gas an sem mek a ni. Veng 2-ah an hlawhtling a, Veng dangah Home Delivery lam hawiin hma an la chho mek. An bialte chu: Luangmual, Vaivakawn, Kanan, Hunthar, PTC Lungverh, Dinthar, Sairang, Sihlui, Sairang Dinthar an ni a. A zia pawl an ni thei.
6) M/S SUAKCHHUNGA GAS AGENCY, ZARKAWT:
Anni hian Veng 11-ah Gas an pe chhuak mek 5-ah an tha a, 6-ah an ti tha vak lo. Heng te hi an bial te an ni. Bethlehem Veng, Bethlehem Vengthlang, Tuithiang, Saron Veng, Chhinga Veng, Armed Veng, Armed Veng South, Chite Veng, Dawrpui Veng, Armed Veng South, Zarkawt, Electric Veng.
7)VANBUANGI GAS AGENCY, MODEL VENG:
Hengahte hian Gas an pe chhuak thin: Salem Veng, Model Veng, Tuikhuahtlang, Hlimen, Mission Veng (North&South), Mission Vengthlang, Thakthing, Venghnuai, Damveng, Lungleng, Samtlang. Anni hian Veng 5-ah an ti tha a, 6-ah an sem tha vak lo. Veng 11 an bial mek a ni.
8) KAPLIANA GAS, KULIKAWN:
Anni hian Home Delivery an la kalpui tam lova, an huam chhung Veng 7-ah te hian Partially implemented-in an kalpui a. An hmabak a la ko hle a ni. Hengahte hian Gas an pe chhuak vek: Kulikawn, Tlangnuam, Saikhamakawn, Melthum, Hlimen, Melriat, Samtlang.
9) MIZOFED GAS, RAMHLUN ‘N’:
Veng 11-an bial a ni a, College Veng, Venghlui, Tuikual South-ahte hian tha takin Home Delivery an ti thei a. Veng dangah chuan an la kal pui hlei thei lo niin a lang. Hengte hi heng Veng 3 bakah hian an bial mek a ni. Republic, Republic Vengthlang, Upper Republic, ITI, Tuikual ‘N’, Bungkawn, Bungkawn Vengthar. An hmabak a la ko hle.
10) CARAVAN GAS, ZEMABAWK:
Veng 6-ah Gas an sem chhuak thin. Chung Veng te chu: Zemabawk(Kawng Veng l&ll), Zemabawk North & South, Falkland, Tuirial. Anni Gas Agency hian Veng 2 Zemabawk (Kawnveng l&ll) ah leh Falkland-ah Home Delivery tha takin an kal pui thei niin report dawn a ni a. Veng 2-ah hma lak mek niin Veng 2-ah an la nil tluang rih a ni.
11) M&B GAS SERVICE, KHATLA:
Anni hian Veng 7 hnenah Gas an pe chhuak a. Veng 5-ah hian an la la lova, Veng 1-ah Home Delivery an ti tha thei a, 1 dangah an ti nial nual a ni. An ni hmabak pawh hi a la tam hle mai. Hengte hi an bialbte an ni: Khatla, Khatla South & East, Nursery, Lawipu, Maubawk, New Capital Complex.
12) ZOTHAN GAS, LUANGMUAL:
Hengahte hian Gas an pe chhuak ve bawk: Ainawn Veng, Chawlhhmun, Sakawrtuichhun, Tanhril. Anni hengahte hian tha takin Home Delivery an kalpui thei a ni. Hriat theih chinah he Agency hian Aizawl khawpui chhungah an ti tha ber a ni. An bialte an vannei hle; kan lawmpui e.
HOME DELIVERY HI DUH THLAN THEIH A NI RENG EM?
A chhan a tawi tê chu Home Delivery hi duhthlan theih a ni lo! tih a ni. I duh leh duh loh ni lovin Dan ang taka Gas hi la mai tur i ni a.Vote laka rel thluk chi pawh a ni hek lo. Gas home delivery hi Gas sem dan tur dik tak a ni zawk.
 tak a, “Kan Veng chuan kan duh ve lo,” lo tih ngawt chu a kawng hmang lo satliah ringawt lova, hnam hnufual kam chhuak ang a ni zawk!
Chuvangin manhla zawk leh samkhai zawka LPGas hi ruahmansak kan nih laia Home Delivery duh li zawnga chet lo lak chu mipui chanvo chhuhsak tumna a ni mah hial zawk awm e.
LP Gas hi puak thei leh alh thei a ni a. Khawlaia checking mumal pawh ti lova sem ngawt thin pawh hi mipui tan pawh a him lo a ni. Home Delivery hi compulsory a ni tih hi hriain mahni kawt kai theuhva Gas kan lak theih nan kan intawiawm tha tur a ni. Source: FCS&CA