Arsenal goalkeeper Aaron Ramsdale chuan Premier League season kal laiah goal chhuah loh match 13 nei tling tawhin, club lam pawhin a service an la thlahlel tih nemnghehna’n inremna thar an ziahpui a, a rei zawng erawh tarlang loin ‘long-term contract’ tiin an thuchhuahah an dah.
Gunners hian con-tract rei zawng an tarlan loh rualin manager Mikel Arteta pawhin kum tam tak chhung an club-a Aaron chhawr zui an tum thu a sawi.
Kum 25 mi lek la ni Ramsdale hian season kal laia title an beisei mekna kawngah league game 36 khel kim vekin, Arteta chuan a goal-veng hi a fak hle a, a hmasawnna chu sawi phak piahlam a nih thu a tarlang hial a ni.
Ramsdale-a contract neih lai hi kum 2025 daiha tawp tur niin, kum 2021 khan Arsenal hi Sheffield United atangin a zawm a, khatih laia Londoners-in an leina man kha pound maktaduai 24 bakah neuh neuh dang (add-ons) pound maktaduai 6 a ni.
England tana vawi-thum khel tawh hian Arsenal chu Premier League table-ah pahnih-na nihpui mekin, hma-hruaitu Manchester City lakah point liin an hniam a, Inrinni zan inkhel pa-khata mualneitu Notting-ham Forest laka Gunners an tlawm hrim hrim chuan City an champion chiang tawh ang.
Contract thar ziak Ramsdale
Get real time updates directly on you device, subscribe now.
Prev Post
Next Post