‘Coolie’ changtu ten an hlawh hnem

‘Coolie’ changtu ten an hlawh hnem
Zirtawpni-a an tlangzarh tur Rajinikanth channa ‘Coolie’ chuan boruak a nei lian tawh hle a, Independence Day a tlangzarh tur, Tamil film-a a changtute hlawh Deccan Herald-in an tichhuak a, a changtupa ber Rajinikanth chuan he film a chan manah cheng vaibelchhe 200 a hlawh hem mai.
A tirah chuan Rajinikanth hi cheng vaibelchhe 150 hlawh turin an berem a, mahse, he South Indian superstar hi a fee an revise a, a pung zel a, vaibelchhe 200 a kai ta a ni.
He film-a inlan ve thi Bollywood icon Aamir Khan hlawh pawhin mi a barakhaih viau. Aamir Khan hi he film-ah hian a inlan ve deuh zuai chauh a ni a, a tirah chuan cheng vaibelchhe 20 hlawh tur niin sawi a awm a, mahse, Aamir hian ‘Coolie’ film atang hian cheng khat mah a hlawh lo. A thlawnin a inlan. Aamir hian Rajinikanth a ngainat vang liau liauin ve film-a inlan hi a remti a, hlawh pawh a duh ta lo a ni awm e.
He film-a changtu dang, Telegu star Nagarjuna Akkineni chuan cheng vaibelchhe 10 a hlawh a, veteran actor Sathyaraj leh Kannada icon Upendra te chuan vaibelchhe 5 ve ve an hlawh a, he film a a changtunu ber Shruti Haasan chuan cheng vaibelchhe 4 a hlawh ve thung.
Film director Lokesh Kanagaraj chuan cheng vaibelchhe 50 a hlawh a, music director Anirudh Ravinchander chuan cheng vaibelchhe 15 a hlawh ve bawk.