Cooperation-in kum 50 tlin an lawm

Cooperation-in kum 50 tlin an lawm
Cooperation department chuan Thawhlehni khan Aizawlah an kum 50 tlin, Golden Jubilee lawm rualin International Year of Cooperatives (IYC) 2025 an hmang.
Hmanpuitu Cooperation minister PC Vanlalruata chuan kumin hi United Nations-in a tum hnihna atan International Year of Cooperatives (IYC) atan a puang a, thupuiah “Cooperatives build a better world” tih a hman thu a sawi. UN-in IYC kuma a puan chhan hi, kum 2030 ralhmaa UN-in ram hrang hrang tana sustainable development goals (SDGs) hlawhtlinpui vek tura a bituk puala hmalakna chi khat a nih a rinawm tih a sawi bawk.
Mizoram pawhin IYC pual hian hmalakna hrang hrang a nei dawn tih minister hian sawiin, “Cooperative movement hmang hian kan state kan ti hmasawn thei a, kan thalaite hi cooperative movement-a kan hnuhluh a ngai takzet tawh. Chumi atan chuan college zirlai zingah awareness campaign kan neih a tul hle dawn a ni,” a ti.
Cooperation department kaltlanga ram ti hmasawn tur chuan society leh union nen tanrual thiam a ngai hle dawn tih a sawi a ni.
Powerpoint presentation hmangin IYC 2025 chungchang leh Cooperation department indin chhoh dan, hmalakna hrang hrang leh hmachhawp entir a ni bawk.