Corporator hmalakna in kawng siam

Aizawl Municipal Corporation Ward No.XV corporaror Zodingpuii hmalakna in Bungkawn leh Nursery Veng Local Council tangrual chuan Bungkawn leh Nursery Veng inrinna lai kawng pawimawh, tunhnaia zawh harsa khawpa chhia chu thawmtha in Inrinni khan an hnatlang.
Helai kawngpui hi thawmthat a nih theihnan bialtu PWD hotute bia in kawng chhe zual lai chu lung hmanga hnawhsak turin an ngen a. Tun dinhmunah sum a awm mai loh avangin an la thei rih lo nia chhan an ni tih thu dawn a ni. Hei vang hian kawngpui chhe zual lai siam a nih theih nan bialtu corporator hian a fund a hmang a. Veng pahnih local council nen tangrualin hma an la ta tih sawi a ni.
Ward No.XV corporaror chuan he kawng hi kawng pawimawh tak a nih laiin, tun dinhmunah two wheeler tan phei chuan chetsual hlauhawm khawpin kawng a khuar nasa in tui a tling nasa a. School tha tak pahnihin a kar cheh bawk avangin a lun a. Khatla, Mission Veng leh Mission Vengthlang lama school kalten he kawng hi an zawh ber a ni bawk a, kawng chhiat vang hian traffic jam a nasat phah nen, harsatna a thlen nasa tih a sawi a. An kawng siam chu political party sawi loin, lungrual takin local council pawh an thawkchhuak tih a sawi a ni.
Kawng chhe zual lai siamnaah hian PWD-in road roller an thawhchhuah pui a. Helai kawng bakah Bungkawn bazar lun lai leh Maubawk lam kawng khuar hnawh nghal a ni bawk.